Azərbaycanda turizm polisi fəaliyyət göstərəcək. "APA-Economics"in xəbərinə görə, bunu jurnalistlərə açıqlamasında Dövlət Turizm Agentliyinin aparat rəhbəri Kənan Qasımov deyib.
Onun sözlərinə görə, belə bir praktika hazırda dünyada mövcuddur. Turistlər getdikləri ölkədə hər hansı bir çətinliklə qarşılaşdıqda, onların müraciət edəcəkləri bir qurum olmalıdır ki, onların problemləri çevik şəkildə dinlənilsin, öyrənilsin və qiymətləndirilsin.
"Turizm polisi bu qurumlardan biridir. Adı polis səsləndirilməsi bir qədər çaşqınlıq yarada bilər, lakin onlar turistlərə xidmət göstərən şəxslərdir. Yəni, turistlər hər hansı çətinlik və ya narahatçılıqla üzləşdiyi zaman onların xidmətlərindən istifadə edə biləcəklər və biz bununla bağlı "qaynar xətt"in yaradılmasını düşünürük. "Qaynar xətt"ə müraciət edən turistlər həm məlumat ala, həm də üzləşdiyi problemin həlli ilə bağlı müraciət edə biləcəklər", - deyə K. Qasımov qeyd edib.
Realpress.az
İndoneziya aprel ayında bütün karantin tələblərini ləğv etmək niyyətindədir.
Yunanıstanda istirahətlə bağlı çəkilən yeni reklam sosial şəbəkə istifadəçilərini xeyli təəccübləndirib. Rolik Yunanıstanın milli turizm təşkilatı “Visit Greece” tərəfindən hazırlanıb.
Avstraliya koronavirus səbəbiylə iki ilə yaxındır bağlı saxladığı qapıları peyvənd olunmuş səyahətçilərin üzünə tamamilə açıb.
