“Google” Niderlandda data mərkəzləri üçün xərcləri artıracaq

“Google” Niderlandda data mərkəzləri üçün xərcləri artıracaq
25 İyun 2019 15:53

“Google” şirkəti Niderlandda data mərkəzlərinin tikintisinə əlavə 1 milyard avro yatırmaqla bağlı planlarını açıqlayıb. Belə ki, şirkət Niderlandın şimal hissəsində yerləşən Middenmer şəhərində yeni obyekt inşa etmək, eləcə də Emshavendə mövcud məlumat emalı mərkəzini genişləndirmək niyyətindədir.

 

“ICTnews” Elektron Xəbər Xidməti “DailyComm” resursuna istinadən yazır ki, “Google” 2018-ci ildə Niderlandda məlumat emalı mərkəzlərinin inkişafına 1,5 milyard avro sərf etmək niyyətində olduğunu elan edib. Yeni bəyanat nəzərə alınmaqla şirkətin ümumi investisiya qoyuluşları 2,5 milyard avro təşkil edəcək.

 

Şirkətin data mərkəzlər üzrə rəhbəri Co Kavın sözlərinə görə, Niderland şirkət üçün çoxsaylı bərpa olunan enerji mənbələrinə görə maraq doğurur. O bildirib ki, ölkədə yeni məlumat emalı mərkəzlərinin inşası başa çatdıqdan sonra 500 nəfər işlə təmin ediləcək.

 

İyunun əvvəlində “Google” şirkətinin Belçikanın Sen-Gilen kommunasında yeni data mərkəzinin tikintisinə 600 milyon avro investisiya qoyacağı ilə bağlı məlumat yayılıb.

 

Mayda şirkət ABŞ-da Oklahoma ştatında yerləşən ən böyük data mərkəzlərindən birinin genişləndirilməsinə 600 milyon dollar xərcləyəcəyini bəyan edib.

 

Yeni investisiya qoyuluşları nəzərə alınmaqla bu data mərkəz üçün xərclərin ümumi həcmi 3 milyard dolları ötəcək, obyektdə iş yerlərinin sayı isə 100 nəfər artaraq 500 təşkil edəcək.

Realpress.az


18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.