Dünən Ağstafa rayonunun Böyük Kəsik kəndində baş verən qətl hadisəsində yaralananlardan xəbər var.
Realpress.az istinadla bildirir ki, Oxu.Az-ın bölgə müxbirinin məlumatına görə, cinayəti törədən şəxs - Elnur Süleymanovun ətrafa açdığı atəş zamanı xəsarət alan, 58 yaşlı Rəsul Həsənov, 56 yaşlı Lilpar Əhmədova, 20 yaşlı İbrahim Abdullayev, 68 yaşlı Nüsrət İsayev güllə yaraları ilə Ağstafa rayon Mərkəzi Xəstəxanasına və Qazax Müalicə Diaqnostika Mərkəzinə yerləşdiriliblər.
Onlardan Rəsul Həsənov ambulator müayinə edilərək evə buraxılıb. Güllə onun ayağını sıyırıb. Lilpar Əhmədova isə Gəncə şəhərindəki özəl klinikalardan birinə göndərilib. Onun həyatı üçün təhlükə yoxdur, vəziyyəti kafidir. Sağ budundan güllə yarası alan İbrahim Abdullayev isə bu gün evə buraxılıb. Nüsrət İsayevin ayağına bir neçə güllə dəyib. Onun sol baldırı amputasiya edilib.
Sözügedən hadisənin ağırlıq dərəcəsi və geniş rezonans doğurması nəzərə alınaraq, eyni zamanda, cinayətin hərtərəfli, tam və obyektiv araşdırılması məqsədilə Baş Prokurorluğun və Daxili İşlər Nazirliyinin təcrübəli əməkdaşlarından ibarət qrup artıq Ağstafa rayonuna ezam olunub.
Hazırda cinayət işi üzrə zəruri istintaq və əməliyyat-axtarış tədbirləri davam etdirilir.
Azərbaycan Respublikasının Prezidenti İlham Əliyev aprelin 16-da Hacıqabul rayonunda yenidən qurulacaq Şirvan suvarma kanalının təməlini qoyub və çıxış edib.
Tam (11 illik) orta təhsil səviyyəsi üzrə martın 10-da keçirilən buraxılış imtahanının nəticələri elan olunub.
Azərbaycan ərazisində aprelin 17-nə gözlənilən hava şəraiti haqqında proqnoz açıqlanıb.
