“Əziz müəllimim” mahnısına yeni klip çəkildi - VİDEO

“Əziz müəllimim” mahnısına yeni klip çəkildi - VİDEO
14 İyun 2019 17:04


Sevilən “Əziz müəllimim” mahnısına yeni klip çəkilib.

Realpress.az xəbər verir ki, bu, Təhsil Nazirliyi və “ASAN Radio”nun birgə layihəsi olaraq ərsəyə gəlib.

Mahnının bəstəkarı və ifaçısı Sevinc Ağasıyevadır. Sözləri Məhəbbət İbrahimovaya məxsus “Əziz müəllimim” mahnısı yeni aranjimanda təqdim olunur.

Çəkilişlər “ASAN Radio” və Bakı şəhəri 6 saylı məktəb-liseydə aparılıb. Klipdə müəllim obrazını Əməkdar artist Xalidə Quliyeva canlandırıb. Onun simasında müəllim peşəsinin xüsusiyyətləri - nəciblik, peşəkarlıq, səbirli və diqqətli olmaq, o cümlədən, müəllim-şаgird münаsibətlərində ən vacib məqamlar öz əksini tapıb.

Klipdə tanınmış aparıcı və aktyor Şəhriyar Əbilov, Şuşa Dövlət Musiqili Dram Teatrının aktyoru Türkay Cəfərli, “ASAN Radio”nun aparıcısı Ruslan Zeynal və başqaları rol alıb.

​“Əziz müəllimim” klipinin quruluşçu rejissoru Bəhruz Əliyev, quruluşçu operatoru Nadir Mehdiyev, layihənin rəhbəri “ASAN Radio”nun direktoru Emin Musəvidir.

Təşkilati dəstək “EM Group” inşaat şirkətidir.


8 May 2023
Şou-biznes

Mustafa Sandal Bakıya gəlir

Türkiyənin məşhur müğənnisi və bəstəkarı Mustafa Sandal Bakıda konsert proqramı ilə çıxış edəcək. 

23 May 2022
Şou-biznes

Conni Depp vəkili ilə eşq yaşayır?

Bədən dili üzrə ekspert Cudi Ceyms Conni Depp və vəkili Kamilla Vaskes arasında romantik münasibət olması haqda şayiələrə münasibət bildirib.

23 May 2022
Şou-biznes

Reper Dreyk Formula 1 mərcində 230 min dollar uduzdu

Məşhur kanadalı reper Dreyk İspaniya Qran Prisi başlamazdan əvvəl sosial şəbəkələrdə Formula 1 mərhələsinin nəticəsi ilə bağlı mərc etdiyi skrinşotu paylaşıb.