Bütün dünyada ürək-damar xəstəliklərindən sonra 2-ci ən yayılmış ölüm səbəbi onkoloji xəstəliklərdir. Mütəxəssislər qeyd edir ki, ildən ilə xərçəngə tutulan insanların sayı getdikcə artır və həmçinin xəstəlik dayanmadan "cavanlaşır".
Onkoloji xəstəliyin profilaktikasında düzgün qidalanma çox böyük rol oynayır. Bəzi məhsullar var ki, onlar tibb tərəfindən təsdiq olunmuş xərçəng əleyhinə təsirə malikdir. Saglamolun.az sizi bu məhsullarla tanış edir.
1. Kələm (ağ, qırmızı, brokkoli, gül kələmi və s.)
İstənilən kələm növləri güclü xərçəng əleyhinə təsirə malikdir. Mütəxəssislər kələmi mümkün qədər çiy və ya az termik emaldan sonra istehlak etməyi tövsiyə edirlər.
2. Pomidor
Likopin maddəsi sayəsində pomidor ürək-damar sistemimizi qoruyur və həmçinin xərçəngin qarşısını alır.
Pomidorda olan likopinin miqdarı termik emaldan sonra daha da artır. Bu səbəbdən mütəxəssislər pomidoru daha çox çiy deyil, pörtlədilmiş şəkildə yeməyi tövsiyə edirlər.
3. Sarıkök
Bu möcüzəli ədviyyatın güclü xərçəng əleyhinə xüsusiyyətləri var.
Sarıkökün orqanizmə olan təsirini daha da artırmaq üçün onu yeməyə hazır olana yaxın əlavə etmək lazımdır.
Qara istiot sarıkökün xərçəng əleyhinə təsirini daha da artırır ki, qida mütəxəssisləri bu 2 ədviyyatı birlikdə istifadə etməyi tövsiyə edirlər.
4. Soğan və sarımsaq
Bu 2 tərəvəz orqanizmə güclü detoks kimi təsir edir, iltihabları azaldır, immun sistemini gücləndirir ki, bunun nəticəsində xərçəngin riski də azalır.
5. Qaragilə
Giləmeyvələr arasında sağlamlıq üçün ən faydalı sayılır. Qaragilənin xərçəng əleyhinə xüsusiyyəti tibdə çoxdan təsdiq olunub.
6. Zeytun yağı
Dünyada sağlamlıq üçün ən faydalı məhsullardan biri sayılır. Zeytun yağı antioksidantlarla zəngin olduğundan bir çox xəstəliklərin və o cümlədən xərçəngin riskini də azaldır.
7. Çay
Həm qara, həm də yaşıl çay polifenol maddələri ilə zəngindir. Bu maddələrin güclü xərçəng əleyhinə təsiri var.
Realpress.az
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
