“NASA” Beynəlxalq Kosmik Stansiyaya turistlər göndərəcək

“NASA” Beynəlxalq Kosmik Stansiyaya turistlər göndərəcək
11 İyun 2019 12:37

ABŞ Kosmik Agentliyi (NASA) turistlərə Beynəlxalq Kosmik Stansiyaya uçmağa imkan verəcək layihəyə start verib.

“ICTnews” Elektron Xəbər Xidməti “Naukatv” resursuna istinadən yazır ki, layihə ilə bağlı açıqlama agentliyin yerətrafı orbitdə və Ay ətrafında kommersiya və marketinq imkanlarının genişləndirilməsi üzrə yeni biznes layihəsinin təqdimatı zamanı verilib. Bildirilib ki, ildə hər biri 30 gün olmaqla iki özəl missiyanın həyata keçirilməsinə icazə veriləcək. Bütün həyat təminatı sistemləri nəzərə alınmaqla kosmosa səyahətin minimum sutkalıq qiyməti 35 min dollar təşkil edəcək. Kommersiya uçuşları “Commercial Crew Program” nəqliyyat vasitələrində – “NASA”-nın astronavtların Beynəlxalq Kosmik Stansiyaya çatdırılması üçün özəl pilotlu kosmik gəmilərin inkişafı üzrə çoxmərhələli proqramı ilə yerinə yetiriləcək. Kosmik aparatlardan həm dövlət, həm də özəl astronavtlar istifadə edəcək. Şəxsi mənbələr hesabına maliyyələşdiriləcək qısamüddətli kosmik missiyaların 2020-ci ildə start götürəcəyi gözlənilir.

Məlumata görə, indiyədək “NASA” kommersiya proqramı üçün nəqliyyat vasitələrinin hazırlanması məqsədilə “Boeing” və “SpaceX” şirkətlərini cəlb edib. İki aerokosmik nəhəngi nəqliyyat vasitələrini planlaşdırılan sınaqlara hazırlamaq üçün bir neçə ay çalışıb, lakin hər ikisi proses ərzində uğursuzluqla üzləşib. Lakin optimist olan agentlik nümayəndələri əmindir ki, Beynəlxalq Kosmik Stansiyanın kommersiya strukturları üçün açılması Aya planlaşdırılan enişin 2024-cü ildə baş tutmasına görə lazım olan vəsaitləri toplamağa kömək edəcək.

Realpress.az


25 İyun 2019
İT

“Microsoft” istifadəçilərə “Excel”də makroslardan imtina etməyi tövsiyə edir

“Microsoft” şirkətinin nümayəndələri “Excel” vasitəsilə zərərverici proqramların yayılmasını etiraf edib. Şirkət öz istifadəçilərinə makrosları deaktiv etməyi və onlardan istifadə etməməyi tövsiyə edir. Şirkətin nümayəndələrinin sözlərinə görə, cinayətkarlar tərəfindən yayılan spam troyan virusunun quraşdırılması üçün “Office” proqramındakı boşluqlardan istifadə edir. Söhbət “Excel” proqramında zərərverici makroslardan istifadə edilməsindən gedir.

25 İyun 2019
İT

Nəqliyyat, Rabitə və Yüksək Texnologiyalar naziri Oğuzda, nazirin birinci müavini Qəbələdə vətəndaşları qəbul edib

Nəqliyyat, Rabitə və Yüksək Texnologiyalar Nazirliyinin rəhbərliyi tərəfindən növbəti vətəndaş qəbulları keçirilib.

25 İyun 2019
İT

“Google” Niderlandda data mərkəzləri üçün xərcləri artıracaq

“Google” şirkəti Niderlandda data mərkəzlərinin tikintisinə əlavə 1 milyard avro yatırmaqla bağlı planlarını açıqlayıb. Belə ki, şirkət Niderlandın şimal hissəsində yerləşən Middenmer şəhərində yeni obyekt inşa etmək, eləcə də Emshavendə mövcud məlumat emalı mərkəzini genişləndirmək niyyətindədir.

25 İyun 2019
İT

Fransada hidrogen yanacaqla işləyən avtobuslar istifadəyə verilib

Hidrogen yanacağı ilə işləyən ilk elektrik avtobusları Uden şəhərində fəaliyyətə başlayıb.

25 İyun 2019
İT

Dünya İT infrastrukturu bazarında artım zəifləyib

“Canalys” şirkəti tədqiqat apararaq bu ilin birinci rübündə dünya informasiya texnologiyaları infrastrukturu bazarında artımın zəifləməsini açıqlayıb.