Rəsmi Ankaradan Reykyavikə nota: Qalmaqal böyüyür

Rəsmi Ankaradan Reykyavikə nota: Qalmaqal böyüyür
10 İyun 2019 16:57


Türkiyənin Xarici İşlər Naziriliyi İslandiyaya nota verib.

Habertürk” xəbər verir ki, buna səbəb 2020-ci il futbol üzrə Avropa çempionatının seçmə mərhələsi çərçivəsində İslandiya yığması ilə qarşılaşmaq üçün bu ölkəyə yollanan Türkiyə millisinin üzvlərinin Keflavik hava limanında xoşagəlməz münasibətlə qarşılaşması olub.

Belə ki, bundan əvvəl futbolçuların girişi ilə bağlı razılıq əldə olunsa da, hava limanında problem yaşanıb. İslandiyalı məsul işçilər futbolçuları təqribən iki saat pasport yoxlanışı məntəqəsində gözlədiblər.

Türk futbolçular Burak Yılmaz və Əmrə Belözoğlu jurnalistlərə açıqlamasında yoxlanış məntəqəsindən çox çətin şəkildə keçdiklərini bildiriblər. E.Belözoğlu açıqlama verərkən İslandiya vətəndaşının arxadan gələrək mikrofonların yanına tualet fırçası uzatması ilə gərginliyi daha da artıb.

Məsələ ilə əlaqədar Türkiyənin Gənclər və İdman naziri Mehmet Məhərrəm Kasapoğlu İslandiyaya səfərə hazırlaşır.

Qeyd edək ki, İslandiya-Türkiyə oyunu iyunun 11-də keçiriləcək.

Realpress.az


18 İyun 2019
Dünya

Qonşu ölkədə SOS! Yoluxucu xəstəliklər yayıla bilər

İranın seldən zərərçəkən bəzi bölgələrində dəri və yoluxucu xəstəliklərin yayılması ehtimalı var.

18 İyun 2019
Dünya

Qanadları ən uzun təyyarə 400 milyon dollara satışa çıxarılıb

“Vulcan” holdinqi qanadlarının uzunluğuna görə dünyanın ən böyük “Stratolaunch” təyyarəsini 400 milyon dollara satışa çıxarıb. Qiymətə təyyarə, onunla əlaqədar əqli mülkiyyət, eləcə də yerüstü infrastruktur daxildir.