Süni intellekt sahəsində ən çox patentə sahib şirkət məlum olub

Süni intellekt sahəsində ən çox patentə sahib şirkət məlum olub
10 İyun 2019 13:04

Süni intellekt qlobal İT sahəsinin inkişafında ən mühüm istiqamətlərdən biridir. Almaniyanın "IPlytics" tədqiqat şirkəti qeydiyyatdan keçirilmiş patentlərin sayına görə lider şirkəti müəyyənləşdirib.

"ICTnews" Elektron Xəbər Xidməti "dailycomm.ru" saytına istinadən yazır ki, 2019-cu ilin yanvar ayına olan məlumata görə, "Microsoft" korporasiyası patentlənmiş (18365) süni intellekt texnologiyalarının sayına görə birinci yeri tutub. ABŞ-ın "IBM" korporasiyası reytinqdə ikinci yerdə qərarlaşıb: sözügedən şirkətin aktivində 15046 patent var. Cənubi Koreyanın "Samsung" korporasiyası 11243 patent göstəricisi ilə üçüncü olub.

İlk onluqda 5 ABŞ şirkəti yer alıb. "Qualcomm" (10178 patent) və "Google" (9536 patent) şirkətlər müvafiq olaraq 4-cü və 5-ci yerləri tutublar. Bundan başqa, ilk onluqda, həmçinin Yaponiyanın iki şirkəti – "Sony" (8-ci yer, 5526 patent) və "Canon" (10-cu yer, 3996 aptent) qərarlaşıb. Cənubi Koreya, Niderland ("Philips", 6-cı yer) və Almaniya ("Siemens", 7-ci yer) ölkələrinin hər birindən bir şirkət reytinqdə yer alıb.

Realpress.az


19 İyun 2019
İT

Nəqliyyat, Rabitə və Yüksək Texnologiyalar Nazirliyinin rəhbərliyi Oğuz və Qəbələ rayonlarında vətəndaşlarla görüşəcək

Nəqliyyat, Rabitə və Yüksək Texnologiyalar Nazirliyinin rəhbərliyi Oğuz və Qəbələ rayonlarında vətəndaşlarla görüşəcək. Mərkəzi icra hakimiyyəti orqanlarının, digər qurumların rəhbərlərinin və onların müavinlərinin şəhər və rayonlarda vətəndaşların qəbulu cədvəlinə uyğun olaraq Nəqliyyat, Rabitə və Yüksək Texnologiyalar naziri Ramin Quluzadə və nazirin 1-ci müavini Əli Abdullayevin 2019-cu il iyunun 21-nə nəzərdə tutulan görüşünün vaxtı dəyişdirilib. Nəqliyyat, Rabitə və Yüksək Texnologiyalar naziri Ramin Quluzadə 25.06.2019-cu il tarixində saat 12:00-da Oğuzda Oğuz və Şəki rayonlarının sakinlərini, nazirin birinci müavini Əli Abdullayev isə 25.06.2019-cu il tarixində saat 12:00-da Qəbələdə rayon sakinlərini qəbul edəcək. Nəqliyyat, Rabitə və Yüksək Texnologiyalar Nazirliyinin rəhbərliyi nəqliyyat, telekommunikasiya (o cümlədən, internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı vətəndaşları dinləyəcək. Vətəndaşlardan "mincom@mincom.gov.az" elektron poçt ünvanı, 1655 "Çağrı Mərkəzi", 012 598 38 18 nömrəli telefon vasitəsi ilə (regionlardan edilən zənglər pulsuzdur) əlaqə saxlayıb qəbula yazılmaları xahiş olunur. Eyni zamanda, qəbula gəlmək istəyən vətəndaşlar, zərurət yaranarsa, yaşadıqları ərazinin poçt şöbələri və telefon qovşaqları tərəfindən nəqliyyat vasitələri ilə təmin olunacaqlar. Bunun üçün: Oğuz rayonunda 024 2152899 Şəki rayonunda 024 2442500 Qəbələ rayonunda 024 2052599 nömrəli telefona zəng etmələri xahiş olunur.

19 İyun 2019
İT

Süni intellektli süzən aviabomba yaradılıb

İsrailin “Rafael” şirkəti müxtəlif obyektlər arasında verilmiş hədəfi aşkarlamağa imkan verən süni intellektə malik “Spice 250” adlı süzən aviasiya bombası yaradaraq uğurla sınaqdan keçirib.  

19 İyun 2019
İT

Ekspertlər mobil proqramların boşluqları haqda məlumat veriblər

Mobil proqramların 89%-i uzaq məsafədən həyata keçirilən haker hücumları qarşısında dayanıqsızdır. Kibertəhlükəsizlik sahəsi üzrə ixtisaslaşmış “Positive Technologies” şirkətinin mütəxəssisləri xəbərdarlıq edirlər ki, mobil proqramların 33%-dən çoxuna müdaxilə mümkündür.

18 İyun 2019
İT

“WhatsApp” messencerində yeni fırıldaqçılıq növü aşkar edilib

“Eset” antivirus şirkəti “WhatsApp” messencerində yeni fırıldaqçılıq növü aşkar edib.

18 İyun 2019
İT

“Facebook” öz kriptovalyutasını yaradacaq

"Facebook" şirkəti 2020-ci ildə özünün kriptovalyutasını dövriyyəyə buraxmağı planlaşdırır.