Reyn çayından (Almaniya) “Romania Got Talent” (Romanii Au Talent) şousunda məşhurlaşmış rumıniyalı akrobat-rəqqasə Alla Kliştanın meyiti tapılıb.
Bu haqda “Fashion Behind The Scene” nəşri yazır.
Meyiti Baden-Vuttenburq şəhərində təsadüfən yoldan keçən iki şəxs aşkarlayıb və bu barədə polisə xəbər verib. Növbəti gün yerli hüquq-mühafizə orqanları əməkdaşları əsas şübhəli qismində onun keçmiş sevgilisini həbs edib.
33 yaşlı akrobat aprel ayından itkin düşmüşdü. O, Frankfurtda qala-gecədə çıxış etməli olsa da, həmin vaxtdan bəri ondan xəbər-ətər olmayıb.
Freyburq şəhər prokurorluğu əsas versiya kimi onun qətl qurbanı olmasını nəzərdən keçirir.
Müstəntiqlər akrobatın çayda boğulmadığına əmindir. Qurbanın qohumları ilə aparılan sorğu-sual nəticəsində məlum olub ki, cütlüyün münasibətlərində son vaxtlar ciddi problemlər yaşanırmış. Onlar artıq birgə yaşamasalar da, münasibətlərini davam etdirirmişlər.
İstintaq davam edir.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
