Uşaqların Beynəlxalq Müdafiəsi Günü və Ramazan bayramı ilə əlaqədar “Araxçın Silent Communication” komandası tərəfindən eşitmə məhdudiyyətli uşaqlar üçün “Danışan əllər” adlı bayram tədbiri təşkil edilib.
Realpress.az xəbər verir ki, tədbirə Firidun bəy Köçərli adına Respublika Uşaq Kitabxanası da qoşulub.
Tədbirdə söz alan kitabxananın direktoru, Əməkdar mədəniyyət işçisi Şəhla Qəmbərova açaraq uşaqlara xoş arzularını bildirib və onlara kitab hədiyyə edib.
Çıxışçıların xoş ürək sözləri eşitmə məhdudiyyətli uşaqlara xüsusi Jest dili ilə tərcümə olunub.
Tədbirin əsas məqsədi eşitmə və danışma məhdudiyyətli uşaqların əylənməsi, öz həmyaşıdlarından seçilməməsini təmin etmək və onlarda kitaba və mütaliəyə olan marağı artırmaq olub.
Tədbirdə tanınmış və gənc ifaçılar balacaları öz mahnıları ilə sevindiriblər.
“Avroviziya 2024” mahnı müsabiqəsində ölkəmizi təmsil edəcək iştirakçının seçimləri başlayıb.
Heydər Əliyev Fondunun və IDEA (Ətraf Mühitin Mühafizəsi üzrə Beynəlxalq Dialoq) İctimai Birliyinin təşəbbüsü, Birləşmiş Millətlər Təşkilatının (BMT) Cenevrə şəhərindəki bölməsi və Azərbaycanın BMT-nin Cenevrə şəhərindəki bölməsi yanında daimi nümayəndəliyinin dəstəyi ilə təşkil edilən “Mənim dənizlərim, mənim okeanlarım” (My Seas, My Oceans) sərgisinin açılışı olub.
Azərbaycan Kinematoqrafçılar İttifaqı (AKİ) kinoşünaslar və kinoyazarlar üçün yeni sayt təsis edib.
