Polad Bülbüloğlu Rusiyanın “Milli əzəmət” mükafatına layiq görülüb

Polad Bülbüloğlu Rusiyanın “Milli əzəmət” mükafatına layiq görülüb
01 İyun 2019 08:48


 Mayın 31-də İttifaqlar Evində keçirilən mükafatlandırma mərasimində Rusiyanın və MDB ölkələrinin tanınmış ictimai və mədəniyyət xadimləri, siyasətçilər iştirak ediblər.

“Vestnik Kafkaza” xəbər verir ki, Azərbaycanın Rusiyadakı səfiri, Xalq artisti, məşhur bəstəkar və müğənni Polad Bülbüloğlu Rusiyanın “Milli əzəmət” ictimai mükafatının “Şərəf və ləyaqət” nominasiyası üzrə laureatı adına layiq görülüb.

Polad Bülbüloğlu mükafatlandırma mərasimində çıxış edərək, verilən yüksək qiymətə görə təşəkkürünü bildirib:

“Bu ictimai mükafat Azərbaycan ilə Rusiya arasında mehriban dostluq əlaqələrinin daha bir təzahürüdür.  Xalqlarımız bir ölkədə yaşamış, birlikdə faşizmə qalib gəlmişdilər. Ən vacibi odur ki, bu, vətəndaş cəmiyyətinin mükafatıdır. Bu mükafatlar da, dövlət mükafatları kimi, mənim üçün çox dəyərlidir. Bu mənə verilən dəyərin təzahürüdür, fürsətdən istifadə edib təşkilatçılara təşəkkürümü bildirirəm”.

“Milli əzəmət” ictimai mükafatı 2005-ci ildə təsis edilib. Müxtəlif illərdə bu mükata qrossmeyster Anatoli Karpov, bəstəkar Aleksandra Paxmutova, rejissor Eldar Ryazanov və başqaları layiq görülüblər. Bu il mükafat alanlar arasında SSRİ Xalq artisti Vasili Lanovoy, Özbəkistanın Xalq artisti, “Yalla” ansanblının rəhbəri Fərrux Zakirov və başqaları da var idi.


13 İyun 2019
Mədəniyyət

Taleh Yüzbəyov: “Belə cəmiyyətdə fahişəyə seks işçisi demək?” - FOTO

Realpress.az azlogos-a istinadən, az qala, hər yeni işi ilə ciddi müzakirələrə meydan açmağı bacaran aktyor və video-bloger Taleh Yüzbəyovla müsahibəni təqdim edir:

5 İyun 2019
Mədəniyyət

“Bakının Qız qalası” əsəri Sotheby’s hərracında yüksək qiymətə satıldı

“Bakının Qız qalası” əsəri Sotheby’s hərracında yüksək qiymətə satıldı

4 İyun 2019
Mədəniyyət

Eşitmə məhdudiyyətli uşaqlar üçün “Danışan əllər” adlı tədbir təşkil edilib

Uşaqların Beynəlxalq Müdafiəsi Günü və Ramazan bayramı ilə əlaqədar “Araxçın Silent Communication” komandası tərəfindən eşitmə məhdudiyyətli uşaqlar üçün “Danışan əllər” adlı bayram tədbiri təşkil edilib.