Arif Rəhimov: Eyni anda iki yarışın keçirilməsi Bakı üçün kabus olar

Arif Rəhimov: Eyni anda iki yarışın keçirilməsi Bakı üçün kabus olar
29 May 2019 14:49


2020-ci ildə “Formula-1” üçün Londondan Bakıya reyslərin sayı artırılacaq.

Bunu Böyük Britaniyanın “Reuters” nəşrinə açıqlamasında Bakı Şəhər Halqası Əməliyyat Şirkətinin icraçı direktoru Arif Rəhimov deyib.

Arif Rəhimov UEFA Avropa Liqasının finalı zamanı Londondan Bakıya gələn azarkeşlərin problem yaşamasının Azərbaycan üçün faydalı presedent olduğunu bildirib. O qeyd edib ki, növbəti il “Formula-1” üçün Londondan Bakıya reyslərin sayı artırıla bilər: 

“Növbəti il, “Formula-1” hər hansısa yarışla dalbadal olsa, mütləq çalışacağıq ki, çarter uçuşları təşkil edək. Bütün tamaşaçılar üçün asan olsun deyə alternativlərə baxırıq. Bu, keçmişdə etdiyimiz bir şey deyil. Ancaq gələcək üçün nəsə etmək istəyirik.

İngilis tamaşaçılar ruslardan sonra “Formula-1” üçün Bakıya gələn sayca ikinci qonaqlarımızdır. Üçüncü isə almanlardır. Biz 3-4 min rusiyalı və 1000-dən aşağı britaniyalıdan danışırıq. Bu insanlar müntəzəm bilet alırlar. Qeyd etdiyim rəqəmə qonaqlar, qonaqpərvərlik suitləri və s. aid deyil”.

Rəhimov 2020-ci ildəki “Formula-1” yarışının apreldə yox, iyunda Kanadanın Monreal şəhərindəki yarışla dalbadal keçirilməsinə çalışacaqlarını bildirib:

“Biz hazırda növbəti yarışın iyunda keçirilməsi barədə söhbət aparırıq. Ancaq iyunda bu yarışı keçirmək üçün çoxlu maneələr var. Çünki 13, 17, 21 iyunda AVRO-2020-nin dörd oyunu və iyulun 4-də 1/4 final matçı Bakıda keçiriləcək. 

Əlbəttə, bizim yarışımız AVRO-2020 ilə toqquşa bilməz. Eyni anda Bakıda iki yarışın keçirilməsi şəhər üçün kabus olar. Azarkeşlərimizi itirəcəyik, AVRO-2020 də öz fanatlarını itirəcək. Ona görə də biz “Formula-1”i iyunun əvvəlinə salmağı düşünürük və ümid edirəm ki, bu alınacaq”.

Qeyd edək ki, bu gün “Arsenal” və “Çelsi” final görüşünə çıxacaq. Bakı Olimpiya Stadionundakı görüş saat 23:00-da baş tutacaq.


20 Avq 2019
İdman

"Qarabağ" bu gün gedir

Avropa Liqasının pley-off mərhələsində "Linfild"in qonağı olacaq "Qarabağ" bu gün Şimali İrlandiyaya gedəcək.

20 Avq 2019
İdman

“Azərsun Arena” təmirə bağlanır - “Qarabağ” harada oynayacaq?

"Qarabağ"ın Azərbaycan Premyer Liqasında ev oyunlarını keçirdiyi "Azərsun Arena" təmirə bağlanır.

20 Avq 2019
İdman

Çempionlar Liqasında pley-off mərhələsinə start verilir

Bu gün UEFA Çempionlar Liqasında pley-off mərhələsinə start veriləcək.

19 Avq 2019
İdman

Modriç, Rakitiç, Perişiç Bakıya gələcək - HEYƏT

Modriç, Rakitiç, Perişiç Bakıya gələcək - HEYƏT