Hindistanın qərbində yerləşən Surat şəhərində yerli məktəb binasında baş verən yanğın nəticəsində azı 19 nəfər həlak olub.
Bu haqda BBC yerli rəsmilərə istinadən məlumat verir.
Hadisə şahidləri binadan qatı tüstünün qalxdığını və içəridə olan bəzi şagirdlərin yanğından qurtulmaq üçün pəncərədən özlərini aşağı atdığını bildirir.
Qurbanların çoxu məktəbin hazırlıq mərkəzində oxuyan yeniyetmələrdir.
Yanğının səbəbi hələ məlum deyil. Rəsmilərin dediyinə görə, binanın mərtəbələrində dam örtüyü tezalışan materialdan olduğundan alov sürətlə yayılıb.
Bundan başqa, azı 20 nəfərin müxtəlif dərəcəli yanıq xəsarətləri aldığı və Qucarat xəstəxanalarına təxliyə olunduğu bildirilir.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Çinin 127 milyon əhalisi olan Quandun əyalətindəki daşqın son 100 ilin ən böyük ikinci təbii fəlakəti hesab olunub.
