Avstriyalı avtopilot, üçqat “Formula-1” çempionu Niki Lauda 71 yaşında vəfat edib.
Bu barədə “The Guardian” keçmiş idmançının qohumlarına istinadən məlumat yayıb.
Laudaya bundan səkkiz ay əvvəl ağciyər transplantasiyası olunub.
Lauda ailəsinin istəyinə qarşı gedərək sürətli avtomobil yarışlarının iştirakçısı olub. “Formula-2” yarışlarından “Març” komandasında özünə yer qazanmaq üçün 1971-ci ildə bankdan kredit götürüb. Sonradan “Formula-1”də çıxış etməyə başlayıb. 1975, 1977 və 1984-cü illərdə çempion olub.
1976-cı ildə Almaniya Qran-Prisində ağır qəza keçirib. Onun bolidi yanıb və Laudanı çətinliklə də olsa, avtomobildən çıxarıblar. O, ciddi yanıq xəsarətləri alıb və ağciyərləri zədələnib.
Həkimlər onun sağ qalacağına inanmayıb. Ancaq altı həftədən sonra artıq o sağalaraq İtaliya Qran-Prisində iştirak edib.
Karyerası ərzində iştirak etdiyi 171 yarışdan 25-də qalib gəlib.
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.
