ABŞ-ın “SpaceX” şirkəti “Starship” raketinin Cənubi Texasda yerləşən zavodda 100 nəfərlik sərnişin tutumuna malik kiçildilmiş prototipini hazırladıqdan sonra Floridanın kosmik sahillərində istehsal və işləmələr üzrə analoji işlərə başlayıb. Şirkətin təsisçisi və baş direktoru İlon Mask bu həftə raketin eyni anda Texas və Floridada yeni versiyalarının hazırlanmasını təsdiqləyib.
“ICTnews” Elektron Xəbər Xidməti “Naukatv” resursuna istinadən yazır ki, “Starship” çoxdəfəli raketi insanların Ay, Mars və kosmosun digər ucqar yerlərinə çatdırılması üçün nəzərdə tutulub. Nəqliyyat vasitəsinin çoxistifadəli “Super Heavy” raketdaşıyıcısı vasitəsilə buraxılması nəzərdə tutulur. “Starship” və “Super Heavy” raketlərində növbəti nəsil “Raptor” mühərrikindən istifadə ediləcək. “Starship” raketi 7, “Super Heavy” isə 31 belə mühərriklə təchiz ediləcək. Hazırda şirkət “Raptor” mühərrikinin dördünü hazırlayıb. Beşincisi şirkətin Kaliforniyada yerləşən mənzil-qərargahında hazırlanır. İ.Maskın “Twitter” səhifəsində verilən məlumata görə, 100-cü “Raptor” mühərriki 2020-ci ilin əvvəlində hazır olacaq.
Realpress.az
Günəşdəki güclü partlayışlar Yerdə gözlənilməz maqnit qasırğasına səbəb olub.
Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.
Günəşdə ən yüksək “X” sinfinə aid partlayış baş verib.