Futzal üzrə Azərbaycan Yüksək Liqasının 2018/19-cu il mövsümünün qalibi bilinib.
Realpress.az xəbər verir ki, həlledici oyunda “Araz” (Naxçıvan) və “Xəzər Cənub” komandaları qarşılaşıb.
4:1 hesabı ilə qələbə qazanan “Araz” 14-cü dəfə ölkə çempionu olub. Üçüncü yer uğrunda keçirilmiş qarşılaşmada isə “Neftçi”ni 4:2 hesabı ilə məğlub edən EKOL bürünc medal qazanıb.
Çempionatın ən yaxşı baş məşqçisi millimizi də çalışdıran braziliyalı Joze Alesio Da Silva (“Araz”), ən yaxşı oyunçusu Vitali Borisov (“Neftçi”), ən yaxşı qapıçısı isə Rövşən Hüseynli (“Araz”) seçilib. Mövsüm ərzində 85 qol vuran “Xəzər Cənub”un iranlı hücumçusu Hadi Rezvan ölkə çempionatının bombardiri olub.
Komandalara diplomları, medalları, çempiona kuboku AFFA-nın birinci vitse-prezidenti, Milli Məclisin deputatı Rauf Əliyev, beynəlxalq dərəcəli hakim-inspektor Asim Xudiyev təqdim edib.
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.