Azərbaycanda tarixi abidəni yandırıblar, dağılmaq üzrədir - Amma bərpa olunmayacaq

Azərbaycanda tarixi abidəni yandırıblar, dağılmaq üzrədir - Amma bərpa olunmayacaq
15 May 2019 17:14


Bir müddət əvvəl realpress.az-ın Qobustan şəhərində yerləşən Diri baba türbəsinin dağılması ilə bağlı qaldırdığı məsələyə rəsmi reaksiya verilib.

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən realpress.az-ın sorğusuna cavab olaraq bildirilib ki, Diri Baba türbəsində ötən ilin fevral ayında kimliyi hələ də məlum olmayan şəxslər tərəfindən yanğın törədilib:

“Abidənin şəbəkə formasında olan pəncərələrinin bir hissəsi dağıdılıb. Hadisə ilə bağlı yerli hüquq-mühafizə orqanlarına da məlumat verilib. Diri Baba türbəsinə də abidə mühafizəçilərimiz tərəfindən daim nəzarət olunur. Həmin hadisə isə axşam saatlarında törədilib.

Burada insanlarımız özləri də diqqətli olmalıdır. Axı kimsə böyük bir tarixə malik olan abidəni niyə dağıtsın ki? Ümumilikdə abidə həmin hadisəyə qədər yaxşı vəziyyətdə olub”.

Lakin buna baxmayaraq, Diri Baba türbəsində bərpa işlərinin aparılmasının nəzərdə tutulmadığı qeyd olunub:

“Diri Baba türbəsi ölkəmizin turist axını olan istiqamətlərindən biri olduğu üçün həmişə həm yerli sakinlər, həm də turistlərin ziyarət etdiyi məkan olub. Bu gün də turistlər Diri Baba türbəsini ziyarət edir.

Qeyd edək ki, hər il olduğu kimi, bu il də bir neçə tarixi abidədə təmir-bərpa işləri aparılır. Lakin Diri Baba türbəsində bu il hər hansı bərpa işlərinin aparılması nəzərdə tutulmayıb”.


25 May 2019
Mədəniyyət

Kiyevdə Nəsimiyə heykəl qoyuldu

Ukraynanın paytaxtı Kiyev şəhərində Azərbaycan xalqının çoxəsrlik ənənələrə malik bədii və fəlsəfi fikrində dərin iz qoymuş mütəfəkkir-şair İmadəddin Nəsiminin heykəlinin rəsmi açılış mərasimi keçirilib.

22 May 2019
Mədəniyyət

Bakıda ilk dəfə incəsənət əsərlərinin hərracı keçirilib - FOTO

Bakıda ilk dəfə incəsənət əsərlərinin hərracı keçirilib - FOTO

21 May 2019
Mədəniyyət

Heydər Əliyev Mərkəzində Zurab Seretelinin sərgisi açılacaq

Mayın 22-də Heydər Əliyev Mərkəzində tanınmış rəssam Zurab Seretelinin "Mümkün ölçülər" (Possible Dimensions) adlı sərgisi açılacaq.

20 May 2019
Mədəniyyət

Afaq Bəşirqızı: "Gənc vaynerlər xırda və zəhərsiz göbələklərdir” - VİDEO

Mədəniyyət və İncəsənət Universitetindəki dərs sistemi dəyişdirilməlidir.

18 May 2019
Mədəniyyət

Afaq Bəşirqızıdan məmurlara sərt ÇAĞIRIŞ

Xalq artisti Afaq Bəşirqızı mədəniyyət və incəsənət nümayəndələrinə dəyər verilməməsindən gileylənib.