Tibb mütəxəssisləri diabet xəstəliyinin beş erkən simptomunu açıqlayıb. Erkən simptomlar həyəcan doğurmasa da, onları nəzarətsiz buraxmaq olmaz.
Bu barədə “Rossiyskaya qazeta” yazır.
İlk növbədə dəridə müşahidə olunan qəribə dəyişikliklərə diqqət yetirmək lazımdır. Söhbət həm dərinin xarici görünüşündən, həm də susuzluqdan irəli gələn narahatlıq hissindən gedir.
Bundan savayı, boyun nahiyəsində, qoltuqaltı və qasıq nahiyəsində qaralmaların olub-olmamasına fikir vermək, aşkarlandığı təqdirdə onun səbəblərini müəyyənləşdirmək lazımdır.
Qan damarlarının zədələnməsi ilə əlaqədar sidik-tənasül sisteminin problemləri də həyəcan siqnalı sayıla bilər.
Daha bir simptom gecələr normadan artıq tərləmə və müxtəlif yuxuların görülməsi sayılır.
Bundan başqa, alimlər uzun müddət sağalmayan yaraların həyəcan təbili sayıla biləcəyini bildirir.
Bütün sadalananlar yüksək şəkər miqdarının və insulinlə bağlı problemlərin ilkin carçıları ola bilər.
Realpress.az
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.