Bakı Ali Neft Məktəbi ilə “Huawei” şirkəti Əməkdaşlıq Müqaviləsi imzaladı - FOTO

Bakı Ali Neft Məktəbi ilə “Huawei” şirkəti Əməkdaşlıq Müqaviləsi imzaladı - FOTO
07 May 2019 10:55

Bakı Ali Neft Məktəbi (BANM) ilə Çinin ən böyük transmilli şirkətlərindən olan "Huawei" şirkətinin Azərbaycan nümayəndəliyi arasında Əməkdaşlıq Müqaviləsi imzalanıb.

BANM-dan Realpress.az-a verilən məlumata görə, müqavilə çərçivəsində Ali Məktəbdə İKT Akademiyasının yaradılması və onun nəzdində laboratoriyanın qurulması üçün avadanlıq və proqram təminatı ödənişsiz olaraq veriləcək. İmzalanma mərasimində Çin Xalq Respublikasının Azərbaycandakı səfirliyinin Ticarət və İqtisadiyyat Məsələləri üzrə konsulu Vanq Çunqanq, səfirliyin attaşesi Ven Qohuey, "Huawei" şirkətinin Azərbaycan nümayəndəliyinin rəhbəri Lu Tsanlin, şirkətin Azərbaycan nümayəndəliyinin proqramlar üzrə meneceri Tao Civen, şirkətin Azərbaycan nümayəndəliyinin müştərilərlə iş üzrə meneceri Cong Din və Ali Məktəbin tələbələri və məsul əməkdaşları iştirak ediblər.

BANM-ın rektoru Elmar Qasımov Prezident İlham Əliyevin aprel ayında Çinə rəsmi səfəri zamanı "Huawei" şirkətinin sədri Lian Xua ilə keçirdiyi görüşə diqqət çəkərək bildirib ki, bu görüş iki dövlət arasındakı iqtisadi əlaqələrinin güclənməsi və yeni əməkdaşlıqların yaranmasına ciddi töhfə verib. Rektor Ali Məktəbdə İKT Akademiyası və laboratoriyasının yaradılması üçün "Huawei" şirkətinin dəstəyini yüksək qiymətləndirdiyini və bu əməkdaşlığın BANM-ın Proseslərin Avtomatlaşdırılması Mühəndisliyi ixtisasında təhsil alan tələbələrinin yüksək səviyyəli mütəxəssis kimi yetişməsində əvəzsiz rol oynayacağını bildirib. O qeyd edib ki, əməkdaşlıq müqaviləsinin yekunu kimi tezliklə İKT Akademiyası və laboratoriyasının açılışı olacaq və laboratoriya tələbələrin ixtiyarına veriləcək.

Çin Xalq Respublikasının Azərbaycandakı səfirliyinin Ticarət və İqdisadiyyat Məsələləri üzrə konsulu Vanq Çunqanq bildirib ki, bu cür əməkdaşlıqlar iki dövlət arasında olan münasibətləri daha da möhkəmləndirir və gələcəkdə yeni partnyorluq imkanlarının davamlı olacağına ümid edib.

"Huawei" şirkətinin Azərbaycan nümayəndəliyinin rəhbəri cənab Lu Tsanlin BANM ilə təmsil etdiyi şirkətin əməkdaşlığını yüksək qiymətləndirib və şirkətin əməkdaşlarının Azərbaycanda İKT Akademiyasının və laboratoriyasının qurulmasında iştirakından məmnunluğunu ifadə edib. O, tələbələrin avtomatika sahəsində keyfiyyətli mütəxəssis kimi yetişməsi üçün şirkət olaraq onlara hər zaman dəstək olacaqlarını bildirib və tələbələrə uğurlar arzulayıb.

BANM və "Huawei" şirkəti arasında əməkdaşlığın hüquqi əsası 23 yanvar 2019-cu il tarixində imzalanmış Anlaşma Memorandumu ilə qoyulub. Bu Memorandum BANM tələbələrinə şirkətin strukturlarında təcrübə keçmək, şirkət mütəxəssislərinin tələbələrlə öz bilik və təcrübələrini bölüşmək fürsəti yaradır.

"Huawei" şirkəti telekommunikasiya avadanlığı, elektronika, süni intellekt və texnologiyalara əsaslanan xidmət və məhsulların istehsalında ixtisaslaşmış Çinin transmilli özəl şirkətidir. "Huawei" dünyanın 170 ölkəsində öz məhsullarını istehsal edir, 1500-dən artıq şəbəkə yaradaraq dünya əhalisinin 1/3-nə xidmət edir.


22 Fev 2022
Elmi

“Sən elə bir zirvəsən” respublika ifa müsabiqəsi davam edir

Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.

22 Fev 2022
Elmi

Magistraturaya qəbul imtahanında ən yüksək nəticə 98 bal olub

Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.

22 Fev 2022
Elmi

Magistraturaya qəbul imtahanı vermiş iki nəfərin nəticələri ləğv edilib

Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.

21 Fev 2022
Elmi

Təhsil naziri Gürcüstanda tədrisi Azərbaycan dilində olan məktəblərin sayının azalmasına münasibət bildirib

"Məktəblərin sayına və keyfiyyətinə təsir edən müxtəlif amillər var. Bu amillərin bəziləri obyektiv, bəziləri isə subyektiv səbəblərlə bağlıdır".

21 Fev 2022
Elmi

Azərbaycanla Gürcüstan arasında ali təhsil sahəsində əməkdaşlıq müzakirə olunub

Gürcüstanda rəsmi səfərdə olan təhsil naziri Emin Əmrullayev İvane Cavaxişvili adına Tbilisi Dövlət Universitetinə (TDU) baş çəkib.