Realpress.az-ın xəbərinə görə, aprelin 26-da Rusiyanın paytaxtı Moskvada “Fight Nights Global 93” döyüş proqramı çərçivəsində 10 döyüş keçiriləcək və həmin döyüşlərdən biri 70 kq çəki dərəcəsində mübarizə aparan Nəriman Abbasovla qazaxıstanlı Kuat Xamitovun qarşıdurması olacaq. Moskvanın “Mıtişi” arenasında keçiriləcək döyüşün qalibi turnirin çempion kəmərinə sahib çıxacaq.
Qeyd edək ki, Nəriman Abbasov 1994-cü ilin fevralın 1-də Qazaxıstanın Çimkənd şəhərində doğulub. 25 yaşlı idmançımız əvvəl karate və sərbəst güləşlə məşğul olub. Səkkiz yaşında ailəsi ilə Azərbaycana köçən Nəriman burada boks üzrə Azərbaycan çempionluğu tituluna yiyələnib. O, iki dəfə MMA üzrə dünya çempionu olub.
Xatırladaq ki ki, Nəriman Abbasov peşəkar MMA-da 26 görüş keçirib və bu döyşlərin 23-də qalib gəlib. Həmyerlimiz ardıcıl səkkiz görüşdür ki, qələbə qazanır. N.Abbasovun rəqibi 31 yaşlı Kuat Xamitov peşəkar rinqdə Nəriman Abbasovdan bir döyüş az (25) keçirib. O, bunlardan altısında məğlub olub, bir döyüş isə heç-heçə başa çatıb.
İdman gimnastikası üzrə Azərbaycan milli komandasının üzvləri Qətərin paytaxtı Dohada keçirilən Dünya Kubokunda final mərhələsinə vəsiqə qazanıblar.
Azərbaycanın gənclər və idman naziri Fərid Qayıbov ABŞ-də fəaliyyət göstərən və təhsil alan azərbaycanlı idmançılar və tələbələrlə görüşüb.
Kişi voleybolçular arasında Azərbaycan çempionatının Yüksək Liqasında yarımfinal mərhələsinin növbəti oyunu keçirilib.
