Hipertoniyadan əziyyət çəkənlərdə təzyiqin normada qalması tək qəbul etdikləri dərmanlardan deyil həyat tərzindən və o cümlədən düzgün qidalanmadan da asılıdır.
Mütəxəssislər təzyiqin sabit qalması üçün bəzi qidalanma qaydalarına əməl etməyi tövsiyə edirlər.
Saglamolun.az Rusiya KİV-lərinə istinadla sizə bu qaydaları təqdim edir:
1. Qəbul etdiyiniz duzun miqdarını minimuma azaldın
Duzun tərkibində olan natrium orqanizmdə mayeni saxlayır ki, bu da təzyqin artmasına səbəb olur. Gün ərzində 5 qr-dan çox duz qəbul etmək olmaz. Yarımfabrikatlar, fast-fud, müxtəlif konservlər duzla zəngin olduğundan qidalanmadan çıxarılmalıdır.
2. Asan mənimsənilən karbohidratları minimuma çatdırın
Bu şəkər, mürəbbə, müxtəlif şirniyyatlara aiddir.
3. Yağlı və ədviyyatlı qidaları yalnız istisna hallarda yemək olar
Yağlı ət, kolbasa, paştet, heyvan içalatı, qızardılmış, istiotlu, ədviyyatlı qidaları yalnız istisna hallarda və az miqdarda yemək olar.
4. Zülal yemək lazımdır
Gündəlik rasionda zülallarla zəngin olan qidalar olmalıdır. Ən yaxşı zülal mənbələri - kəsmik, toyuq əti, balıq, yağlı olmayan ət, hindquşu əti.
5. Su içməyi unutmayın
Təzyiqin qalxmasının əsas səbəblərindən biri susuzlaşmadır. Gün ərzində 1 l su için.
Realpress.az
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.