Bu il fərdi rəqəmli qurğuların satışında artım gözlənilmir

Bu il fərdi rəqəmli qurğuların satışında artım gözlənilmir
15 Apr 2019 10:52

2019-cu ildə dünyada 2,21 milyard fərdi kompüter, planşet və mobil telefon satılacaq. Bu, 2018-ci ilin göstəricisinə bərabərdir. Bununla yanaşı, ənənəvi fərdi kompüterlərin satışı 3 faiz (189 milyon ədəd) azalacaq, ultramobil qurğuların satışı isə 64,5 milyon ədəddən 68,9 milyon ədədədək artacaq. Mobil telefonların satışında cüzi azalma (1,81 milyon ədəddən 1,80 milyon ədədədək) gözlənilir. Lakin 2020-ci ildə fərdi kompüterlərin satışında azalma davama etdiyi halda mobil telefonlar bazarında cüzi artım müşahidə ediləcək. Bu barədə “Gartner” analitik şirkətinin hesabatında deyilir.  

“ICTnews” Elektron Xəbər Xidməti “Computerworld” resursuna istinadən yazır ki, analitiklərin sözlərinə görə, mobil telefon sahibləri onları əvəzləməyə ehtiyac görmürlər. Yeni modellərin köhnələrdən funksionallığına görə əhəmiyyətli dərəcədə fərqlənməyəcəyi təqdirdə yüksək qiymət seqmentinə aid telefonların inkişaf etmiş bazarlarda satışı azalmaqda davam edəcək. 2023-cü ilədək belə telefonların orta istismar müddəti 2,6 ildən 2,8 ilədək artacaq.

Hesabata görə, 2019-cu ilin sonuna bir sıra istehsalçılar bükülü ekrana malik smartfonları satışa çıxarmağı planlaşdırır. Analitiklərin fikrincə, hazırlanmasının çətin olması ilə əlaqədar onlar xüsusiləşmiş məhsul kimi qalacaqlar. 2023-cü ilədək onların yüksək qiymət seqmentli smartfonlar arasında payının 5 faizədək artacağı proqnozlaşdırılır ki, bu da təxminən 30 milyon ədədə bərabərdir.

Realpress.az


25 Apr 2019
İT

“WhatsApp” istifadəçilərinə - YENİ QADAĞA

“WhatsApp” istifadəçilərinə - YENİ QADAĞA

25 Apr 2019
İT

Yeni Meizu 16s smartfonu təqdim olunub

Çinin "Meizu" şirkəti yeni qabaqcıl "16s" smartfonunu təqdim edib.

24 Apr 2019
İT

MyndVR şirkəti virtual reallığı yaşlı insanlar üçün uyğunlaşdırır

Təxminən 2 il bundan əvvəl yaşlı insanlara bir çox yeni təəssüratlar yaşamağa imkan verən “MyndVR” adlı ilk virtual reallıq platforması işlənib hazırlanmışdı. Bu günlərdə eyni adlı şirkət həmin platformanın ikinci versiyasını təqdim edib.  

24 Apr 2019
İT

“Huawei AirEngine” brendi ilə “Wi-Fi 6” standartlı qurğular buraxılacaq

Çinin “Huawei” telekommunikasiya nəhəngi “Wi-Fi 6” standartına uyğun korporativ sinifli məhsulların buraxılacağı yeni “AirEngine” brendini təqdim edib.  

24 Apr 2019
İT

Windows sistemində antivirusların işi qəfildən dayanıb

“Windows”un bütün aktual versiyalarında (7, 8.1, Server 2008 R2, Server 2012, Server 2012 R2 və 10) antivirusların işi dayanıb. Bu haqda “Microsoft”un dəstək xidmətindən məlumat verilib.