Xəbər verdiyimiz kimi, müğənni Afət Fərmanqızının mahnısına məzəli videorolik hazırlayan Şəki Mərkəzi Rayon Xəstəxanasının beş əməkdaşı işdən çıxarılıb.
Realpress.az big.az-a istinadən xəbər verir ki, məsələni araşdırmaq üçün Şəkiyə getməyə hazırlaşan aparıcı Tarix Əliyev (Tolik) son anda bu fikrindən daşınıb.
Buna səbəb isə tibb bacıları ilə bağlı başqa videoların da üzə çıxması olub. Bu haqda aparıcı Xəzər TV-də yayımlanan “Hər şey daxil” verilişində məlumat verib. O, sözügedən videoda yer alan tibb bacılarından biri İlahə İsrafilovanı canlı yayıma qoşaraq məsələnin əsl səbəbini aydınlaşdırmağa çalışıb.
İ.İsrafilova Tolikin “Məndə olan məlumata görə, bu video sizin Şəki Mərkəzi Rayon Xəstəxanasında çəkilən ilk videonuz deyil. Siz ayrı-ayrı günlərdə iş vaxtı bu tipli məzəli videolar çəkmisiniz. Bu hal mütəmadi olaraq təkrarlanıb. Ona görə də rəhbərlik sizi işdən azad edib” sözlərinə belə cavab verib: “Rəhbərlik bizi otağına çağırdı, bizə bildirildi ki, işdən məhz Afət Fərmanqızının “Pəncü-şeş” mahnısına oynadığımıza görə çıxarılırıq. Baş həkim Elçin Əmirov dedi ki, videoda bir-birimizə sillə vurmuşuq. Bu isə mədəniyyətsizlikdir. Həm də bu mahnı qadağan edilib”.
Qeyd edək ki, baş həkim Elçin Əmirov 6 mart 2019-cu il tarixində Şəki Mərkəzi Rayon Xəstəxanasının 5 işçisini işdən azad edib. Buna səbəb isə 3 xadimə, 2 tibb bacısının xəstəxanada məzəli video çəkərək bir-birilərinə sillə vurmaları olub. Tibb bacılarının adları – İlahə İsrafilova, Mirvari Salamova, xadimələr -Zaharova Arzu, Ruhəngiz Səmədovadır. Digər xanımın həyat yoldaşı isə efirdə xanımının adının çəkilməsinə icazə verməyib. Azad olunan şəxslərdən biri Mirvari Salamovanın 40 ildir ki, həmin xəstəxanada tibb bacısı işlədiyi bildirilib.
Məşhur müğənninin konserti təxirə salınıb.
Türkiyənin məşhur müğənnisi Mustafa Sandal Bakıya gəlib.
Türkiyənin məşhur müğənnisi və bəstəkarı Mustafa Sandal Bakıda konsert proqramı ilə çıxış edəcək.
