Parlamentin yaz sessiyasında daha iki qanun layihəsi müzakirəyə çıxarıla bilər.
Bu haqda Realpress.az-a Milli Məclisin (MM) Mədəniyyət komitəsindən məlumat verilib.
Müzakirələrə çıxarılması gözlənilən qanun layihələri uzun illərdən bəri gündəmdə olan “Muğam sənətinin qorunması və inkişaf etdirilməsi haqqında”, eləcə də, üzərində yeni hazırlıqlara başlanılan “Aşıq sənəti haqqında” qanunvericilik aktlarıdır.
Bildirilib ki, öncə muğam sənəti ilə bağlı qanun layihəsinin son variantda adıçəkilən komitədə müzakirəsi və bundan sonra tövsiyə edilərək, plenar iclasa çıxarılması nəzərdə tutulur.
O da bildirilib ki, muğam sənəti ilə bağlı qanun layihəsi əslində müzakirələrə tam hazırdır.
Həmçinin, qeyd edilib ki, bu məsələnin baş tutacağı təqdirdə, aşıq sənətinin inkişafı ilə də bağlı qanun layihəsinin ən azı komitə səviyyəsində müzakirəsi gözlənilir.
“Avroviziya 2024” mahnı müsabiqəsində ölkəmizi təmsil edəcək iştirakçının seçimləri başlayıb.
Heydər Əliyev Fondunun və IDEA (Ətraf Mühitin Mühafizəsi üzrə Beynəlxalq Dialoq) İctimai Birliyinin təşəbbüsü, Birləşmiş Millətlər Təşkilatının (BMT) Cenevrə şəhərindəki bölməsi və Azərbaycanın BMT-nin Cenevrə şəhərindəki bölməsi yanında daimi nümayəndəliyinin dəstəyi ilə təşkil edilən “Mənim dənizlərim, mənim okeanlarım” (My Seas, My Oceans) sərgisinin açılışı olub.
Azərbaycan Kinematoqrafçılar İttifaqı (AKİ) kinoşünaslar və kinoyazarlar üçün yeni sayt təsis edib.