Bəzi tələbələrin təhsil haqlarını dövlət ödəyəcək - TƏFƏRRÜAT - VİDEO

Bəzi tələbələrin təhsil haqlarını dövlət ödəyəcək - TƏFƏRRÜAT - VİDEO
21 Fev 2019 08:48

Ödənişli əsaslarla oxuyan, amma təhsil haqqını ödəməkdə çətinlik çəkən bəzi tələbələrin təhsil haqları dövlət hesabına ödəniləcək.

 Dövlət büdcəsi vəsaiti hesabına Gənclər Fondu tərəfindən təhsil haqları maliyyələşdiriləcək gənclər müsabiqə əsasında seçiləcək.

Gənclər Fondunun icraçı direktoru Fərid Cəfərovun sözlərinə görə, bununla bağlı müraciətlərin qəbulu yay aylarında başlayacaq.

Fərid Cəfərov bildirib ki, ötən il müvafiq proqramla bağlı fonda 724 müraciət daxil olub. Seçim əsasında 237 tələbənin təhsil haqqı ödənilib. İcraçı direktor deyib ki, müraciətlər daxil olduqdan sonra tələbənin vəziyyəti araşdırılır, onunla bağlı ali məktəblərdən məlumatlar toplanır. Gözlənilir ki, bu il daha çox tələbənin təhsil haqqı ödəniləcək. Tələbələr seçilərkən bir sıra meyarlar nəzərə alınacaq, daha çox sosial müdafiəyə ehtiyacı olan gənclərə üstünlük veriləcək

Bundan əlavə, Gənclər Fondu xaricdə təhsil proqramı üzrə maliyyələşdirməni həyata keçirə bilər.

Bu arada, Gənclər Fondunun Müşahidə Şurasının cari ildə ilk iclası keçirilib. İclasda şuranın gündəliyi müzakirə edilib.

Xezerxeber.az mövzu ilə bağlı daha ətraflı videomaterialı təqdim edir:

Realpress.az


22 Fev 2022
Elmi

“Sən elə bir zirvəsən” respublika ifa müsabiqəsi davam edir

Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.

22 Fev 2022
Elmi

Magistraturaya qəbul imtahanında ən yüksək nəticə 98 bal olub

Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.

22 Fev 2022
Elmi

Magistraturaya qəbul imtahanı vermiş iki nəfərin nəticələri ləğv edilib

Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.

21 Fev 2022
Elmi

Təhsil naziri Gürcüstanda tədrisi Azərbaycan dilində olan məktəblərin sayının azalmasına münasibət bildirib

"Məktəblərin sayına və keyfiyyətinə təsir edən müxtəlif amillər var. Bu amillərin bəziləri obyektiv, bəziləri isə subyektiv səbəblərlə bağlıdır".

21 Fev 2022
Elmi

Azərbaycanla Gürcüstan arasında ali təhsil sahəsində əməkdaşlıq müzakirə olunub

Gürcüstanda rəsmi səfərdə olan təhsil naziri Emin Əmrullayev İvane Cavaxişvili adına Tbilisi Dövlət Universitetinə (TDU) baş çəkib.