Bakının Qaradağ rayonu Səngəçal qəsəbəsində bir nəfər dəm qazından ölüb.
realpress.az-ın məlumatına görə, qəsəbə sakini, 1989-cu il təvəllüdlü Aygün Ələşrəfova və qızı, 2012-ci il təvəllüdlü Aysun Ələşrəfova hamam otağında dəm qazından zəhərləniblər.
30 yaşlı qadın hadisə yerində dünyasını dəyişib. Onun qızı isə təcili olaraq Kliniki Tibbi Mərkəzin Toksikologiya şöbəsinə yerləşdiriblər.
Kliniki Tibbi Mərkəzi Toksikologiya şöbəsinin müdiri Azər Maqsudov realpress.az-a açıqlamasında yeddi yaşlı qızın vəziyətinin stabil olduğunu deyib:
“2012-ci il təvəllüdlü Aysun dünən çox ağır vəziyyətdə xəstəxanaya gətirilib. Bütün gecəni ciddi həkim nəzarətində saxlanılıb və səhər saatlarına yaxın nisbətən özünə gəlib. Reanimasiya şəraitində saxlanılır. Vəziyyəti orta-ağır olaraq qalır”.
Bu gün Türkiyənin Antalya şəhərində cüdo üzrə “Böyük Dəbilqə” turnirinə start veriləcək.
Abşeron rayonu, Xırdalan şəhəri ərazisində sursat aşkar edilib.
Bu gün Naxçıvandan Qarabağa yola düşən şəhid ailələri Füzuli rayonunda olublar.