Nənələrimiz saçlarını şampunla yumurdu, balzam və kondisionerdən istifadə etmirdi, lakin buna baxmayaraq onların saçları müasir qadınların saçlarından qat-qat gözəl və həcmli idi.
Bunun səbəblərindən biri də keçmişdə saçlara baxım üçün istifadə olunan təbii vasitələrdir. Bu vasitələr həm saçları çırk və yağdan təmizləyir, həm də onları əla qidalandırır.
Saglamolun.az sizi bu vasitələrdən bəziləri ilə tanış edir.
1. Yumurta
Yumurta həm saçları yaxşı yuyur, həm də kondisioner və balzam funksiyasını yerinə yetirir, saçları qidalandırır, uzanmasını sürətləndirir.
Saçın uzunluğundan asılı olaraq 1-2 yumurtanın sarısını çalın, nəm saçlara çəkin, sonra yaxşı yuyun. Sonda saçları sirkə əlavə olunmuş su ilə yaxalayın.
2. Soda
Tez yağlanan saçlar üçün əsl tapıntıdır. Saçların yağlılığını azaldır, kondisioner kimi təsir edir.
1 stəkan suya 1 x.q. soda əlavə edin, yaxşı qarışdırın. Bu suyu saçınıza çəkin, massaj edin. Sonra saçınızı yaxşı yuyun və ən sonda alma sirkəsi əlavə olunmuş su ilə yaxalayın.
3. Kosmetik gil
Gil yağı və çirki özünə hopdurur və saçları çox yaxşı təmizləyir.
Ağ və ya yaşıl kosmetik gili ilıq su ilə qarışdırın (duru sıyıq kimi alınmalıdır). Gili saçınıza çəkin, adi şampunla kimi yuyun və yaxşı yaxalayın.
4. Xardal
Xardalı ilıq suda qarışdırın, saçınıza çəkin, massaj edin, su ilə yuyun, sonda sirkə və limon şirəsi əlavə olunmuş su ilə yaxalayın.
5. Çovdar unu
Çovdar unu ilıq suda yaxşı qarışdırın, saçınıza çəkin, massaj edin, su ilə yaxşı yuyun, sonda limonlu və ya sirkəli su ilə yaxalayın.
Realpress.az
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.