Google şirkəti 4G şəbəkəsini dəstəkləyən 7 dollarlıq telefon təqdim edib

Google şirkəti 4G şəbəkəsini dəstəkləyən 7 dollarlıq telefon təqdim edib
07 Dek 2018 10:16

“Google Indonesia” şirkəti “WizPhone WP006” adlı “4G” telefonunu təqdim edib.

“ICTnews” Elektron Xəbər Xidməti “4PDA” resursuna istinadən yazır ki, əksər “4G” qurğularından fərqli olaraq “Wizphone WP006” telefonunun qiyməti 7 dollar təşkil edir. “KaiOS” əməliyyat sisteminin idarəetməsi ilə işləyən qurğu “Google Assistant” köməkçi funksiyasının işə salınması üçün xüsusi düymə ilə təchiz edilib. Onun vasitəsilə qurğuya, məsələn, zəng edilməsi, bildiriş göndərilməsi, musiqinin səsləndirilməsi və videonun göstərilməsi üçün müxtəlif səsli komandalar vermək mümkündür. Bundan başqa, yeni qurğu “KaiOS” sistemi üçün “Facebook” və “WhatsApp” mobil əlavələrinin quraşdırılmasını dəstəkləyir.

Məlumata görə, telefonun əsasını 512 meqabayt tutumlu operativ yaddaşı dəstəkləyən “Qualcomm 205 Mobile Platform” prosessoru təşkil edir. Quraşdırılmış yaddaş tutumu isə 4 giqabayta bərabər olmaqla “microSD” yaddaş kartının köməyi ilə genişləndirmə imkanına malikdir. “Wizphone WP006” telefonunun fotoçəkmə imkanlarını 2 meqapikselli əsas kamera və “VGA” təsvir ölçülü ön kamera təşkil edir. Akkumulyator tutumu 1800 milliamper/saata bərabərdir. Bu, 350 saatlıq avtonom iş üçün kifayət edir.
Yeni qurğunun regionlar üzrə satışa çıxarılma müddəti sonradan açıqlanacaq.

Realpress.az


18 Mar 2022
İT

Rusiyada vatsap bloklana bilər

Vatsapın rusiyalı istifadəçiləri messencerin iş keyfiyyətindən şikayətlənirlər.

11 Mar 2022
İT

Rusiyada "Instagram" bağlana bilər

Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.

2 Mar 2022
İT

Niyə məhz “Apple” brendinin M1 çipi ilə təchiz edilmiş “MacBook Air” notbuku? – FOTO

Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir. 

5 Fev 2022
İT

Almaniya teleqramı 55 milyon avro cərimələyə bilər

Almaniya hökuməti teleqram messencerini 55 milyon avro cərimələyə bilər.

4 Fev 2022
İT

Milçəkdən ilhamlanan alimlər yeni tip həşərat-robot hazırlayıblar - VİDEO

Bristol Universitetinin mühəndisləri yeni tip qanad çırpan mikrorobotlar hazırlayıblar.