AĞRILI ZOB nədir? - Simptomlar

AĞRILI ZOB nədir? - Simptomlar
04 Dek 2018 09:35

Qalxanabənzər vəzin iltihabı xəstəliyi olan ağrılı tiroidit yarım kəskin (subakut) tiroidit, De Quervain tiroiditi və ya digər bir deyişlə granulomatoz, nəhəng hüceyrəli tiroiditi kimi də adlanır.

Xəstəliyin ən tipik əlamətləri: boyunda qalxanabənzər vəzi bölgəsində şiddətli ağrı, yüksək həssaslıq və sərtlikdir.

Realpress.az saglamolun.az-a istinadən bildirir ki, ağrı ümumiyyətlə boyunun bir tərəfindən başlayır, daha sonra digər tərəflərinə yayılsa da, bir tərəfdə daha güclü olur. Bəzən də bir tərəfdə ağrı azalarkən, boyunun digər tərəfində davam edə bilər.

Ağrılı zob (subakut tiroidit) zamanı ağrı çox şiddətli olur və adətən, çənəyə, dişlərə, qulağa yayılır. Udqunma, öskürək, baş hərəkətləri, əllə toxunmaq, geyim təması ağrını artıra bilir. Ağrı səbəbindən udma çətinliyi, səs batması müşahidə oluna bilər.

Xəstələrin bir hissəsində, ağrının inkişafından günlər və ya həftələr əvvəl keçirilmiş üst tənəffüs yollarının virus iltihabı olub.

Xəstələrin çoxunda halsızlıq, iştahsızlıq, sümük, oynaq və əzələ ağrıları, üşümə, titrəmə və hərarətin yüksəlməsi kimi əlamətlər olur.

Xəstəliyin gedişi əsnasında qanda tiroid hormonlarının səviyyəsi qalxır ki, bu  səbəbdən müvəqqəti hipertireoid əlamətləri görülür.

Ağrılı zob adətən üst tənəffüs yollarının iltihabi xəstəliyi ilə qarışıdırılır və xəstəyə antibiotiklər təyin edilir. Antibiotik müalicəsinin faydası olmur və ağrı və digər simptomlar keçmir.

Ağrılı zoba (subakut tiroidit) qadınlarda kişilərə nisbətən daha çox rast gəlinir.

Düzgün müalicədən sonra tiroid vəzi özünün funksiyasını bir müddət sonra bərpa edir, lakin 5-10% hallarda vəzidə hipofunksiya əmələ gəlir və vəzidə baş verən hormon əskikliyi (hipotiroid) qalıcı ola bilər.

Tiroid hormonunun əskikliyi nəticəsində xəstədə halsızlıq, yorğunluq, kilo alma, dəri quruluğu, üşümə, qəbizlik, unutqanlıq kimi əlamətlər meydana çıxa bilər.

Subakut tiroiditdə (De Quervain Tiroditi) laboratoriya testləri necədir?

Bu vəziyyətdə qanda sedimentasiya yüksəkliyi çox tipiktir. Xəstələrin əksəriyyətində sedimentasiya dəyəri 50-100 mm/saat civarıdır. Leykosit (WBC) və CRP də yüngül yüksəklik izlənə bilər. Qanda tiroid hormonlarının (sərbəst T3, sərbəst T4) səviyyələri yüksək, TSH səviyyəsi isə aşağı olaraq müəyyən olunur, eləcə də tiroqlobulinin səviyyəsi yüksək ola bilər.


8 Dek 2021
Səhiyyə - Sağlamlıq

Şəkərli diabet xəstələrinə verilən insulinlərin miqdarı azaldılıb? - AÇIQLAMA

Ölkədə şəkərli diabet xəstələrinin dərmanlarla təminatında ciddi problemlər var.

6 Dek 2021
Səhiyyə - Sağlamlıq

Qanda hemoqlobini artırmaq üçün vasitələr açıqlandı

Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.

3 Dek 2021
Səhiyyə - Sağlamlıq

Qəhvənin gözlər üçün gözlənilməz faydası açıqlanıb

İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.

20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.