Futbol üzrə Azərbaycan yığma komandasının keçmiş baş məşqçisi Berti Foqts Almaniyanın “Proyssen” komandasının hücumçu, yenidən milli komandaya çağırılan Rüfət Dadaşov barəsində fikir bildirib.
“Əgər onu yenidən yığmaya çağırırlarsa, demək, o, ikinci Bundesliqanın səviyyəsinə cavab verir. O, topla yaxşı rəftarı və qapını hiss etməyi bacarır. Onunla Azərbaycanın yığma komandasında işləmək mənə çox xoş idi”, - Realpress.az keçmiş məşqçinin sözlərini sitat gətirir.
“Bu dəvət Rüfətin gələcək inkişafına kömək edəcək və “Proyssen” komandasına da faydalı olacaq”,- deyə o əlavə edib.
Qeyd edək ki, Rüfət Dadaşov dörd illik fasilədən sonra yenidən milli komandaya çağırılıb.
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.