Təhsil naziri Ceyhun Bayramovun əmri ilə Sabirabad 12 saylı Regional Hesablaşma idarəsinin rəisi Elxan Əsədov vəzifəsindən azad edilib.
Realpress.az istinadla bildirir ki, İdarədən Modern.az-a verilən məlumatda xəbər təsdiqlənib.
Həmçinin idarədən o da bildirilib ki, artıq Elxan Əsədovun yerinə təyinat da olub.
“Bir müddət əvvəl təhsil naziri Ceyhun Bayramovun əmri ilə Sabirabad 12 saylı Regional Hesablaşma idarəsinin rəisi Elxan Əsədov işindən azad edilib. Elxan Əsədovun yaşla əlaqədar işinə xitam verilib. Nazirin digər əmri ilə artıq idarəyə yeni rəis də təyin olunub. İdarənin yeni rəisi Üzeyir Qasımovdur”.
Sabirabad 12 saylı Regional Hesablaşma idarəsinin yeni rəisi Üzeyir Qasımov bu təyinatadək Dövlət Sosial Müdafiə Fondunun Sabirabad rayon şöbəsinin baş mühasibi işləyib.
2016-cı ilin əvvəlindən fəaliyyət göstərən bu mərkəz Sabirabad, Saatlı, İmişli, və Beyləqan rayonlarını əhatə edir.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.