İnsanın yerişi onun şəxsiyyətini müəyyənləşdirməyə imkan verəcək

İnsanın yerişi onun şəxsiyyətini müəyyənləşdirməyə imkan verəcək
10 Noy 2018 11:30

Çin hüquq-mühafizə orqanları insanların şəxsiyyətini onların yerişinə görə müəyyənləşdirməyə başlayıblar. Buna imkan verən müvafiq texnologiya Watrix" şirkəti tərəfindən hazırlanıb.

"ICTnews" Elektron Xəbər Xidməti "Lenta" resursuna istinadən yazır ki, yeni texnologiya ilk olaraq Şanxay və Pekin şəhərlərində istifadəyə verilib. Proqramın süni intellekti insanın şəxsiyyətini 50 metr məsafədən, o cümlədən arxadan müəyyənləşdirə bilir.

Şirkətin baş direktoru Xuan Yunçjen bildirib ki, insanların müəyyənləşdirilməsi üçün onlarla əməkdaşlığa ehtiyac yoxdur. Yerişin analizini axsamaqla və ya addımları böyük atmaqla aldatmaq mümkün deyil. "Bu səbəbdən biz konkret bədənin bütün xüsusiyyətlərini təhlil edirik", - o qeyd edib.

Məlumata görə, insanın siluetini oxuyan sistem onun yerişinin modelini yaradır. Lakin "Watrix" texnologiyası vətəndaşların şəxsiyyətini real vaxt rejimində identifikasiya edə bilmir: videoqeydləri əllə proqrama yükləmək tələb olunur. Birsaatlıq videonun analizi üçün 10 dəqiqə sərf edilir.

Texnologiyanın 94 faiz dəqiqliklə işləməsi bildirilir. Daha yaxşı nəticə üçün yeni texnologiyanın sifətin tanınması sistemi ilə birgə yayılacağı gözlənilir.

Realpress.az


28 Fev 2024
Maraqlı

Yer kürəsində gözlənilməz maqnit qasırğası başlayıb

Günəşdəki güclü partlayışlar Yerdə gözlənilməz maqnit qasırğasına səbəb olub.

20 Fev 2024
Maraqlı

Günəşdən daha parlaq cisim kəşf edilib

Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.

16 Fev 2024
Maraqlı

Günəşdə güclü partlayış baş verib

Günəşdə ən yüksək “X” sinfinə aid partlayış baş verib.

12 Yan 2024
Maraqlı

Günəşin kənarında güclü püskürmənin möhtəşəm görüntüsü qeydə alındı - VİDEO

Günəşin kənarında hələ nömrələnməmiş yeni günəş ləkələri qrupunda M1.94 sinifli püskürmə baş verib.