Bakı Ağır Cinayətlər məhkəməsində 1992-ci ildə Ağcabədi rayonunun icra başçısı işləmiş Münsif Məmməd oğlu Səfərov və Rüstəm Ərəstun oğlu Bayramovun məhkəmə prosesi davam etdirilib.
realpress.az xəbər verir ki, prosesə sədrlik edən hakim Mirzə Xankişiyev bildirib ki, təqsirləndirilən M. Səfərov məhkəmə iclasına üzrlü səbəb olmadan gəlməyib.
Hakim qeyd edib ki, onun barəsində əvvəlcə məcburi gətirilmə qərarı da çıxarılıb.
Bundan sonra məhkəmə M. Səfərov barəsində həbsli axtarış qərarı çıxarıb. Onun haqqında seçilmiş ev dustaqlığı qətimkan tədbiri həbs qətimkan tədbiri ilə əvəz edilib.
M. Səfərovun vəkili Rəna Məmmədova isə çıxış edərək, hüquqlarını müdafiə etdiyi şəxsin barəsində qətimkan tədbirinin dəyişdirilməsinə etiraz edib. O deyib ki, M. Səfərov hazırda səhhəti ilə əlaqədar xəstəxanadadır və bu barədə rəsmi sənədlər məhkəməyə təqdim olunacaq.
Məhkəmə iclası qeyri-müəyyən günədək təxirə salınıb.
Qeyd edək ki, təqsirləndirilən şəxslər Fərabi Mənsur adlı şəxsin evini dələduzluq yolu ilə ələ keçirərək bankdan küllü miqdarda pul götürüblər.
İttiham aktına görə, Fərabi Mənsura 60 min manat ziyan vurublar və hər iki şəxsə qarşı cinayət məcəlləsinin 178.3.2-ci (dələduzluq; küllü miqdarda törədildikdə) maddəsi ilə cinayət işi başlanıb.
R. Bayramov barəsində həbs qətimkan tədbiri seçilsə də, M. Səfərov haqqında başqa yerə getməmə haqqında iltizam qətimkan tədbiri seçilib.
Daxili İşlər Nazirliyinin (DİN) Su Nəqliyyatında Polis İdarəsinin əməkdaşları tərəfindən qanunsuz olaraq əllərdə saxlanılan odlu silah-sursatların aşkar edilməsi istiqamətində əməliyyat həyata keçirilib.
Bəzi media və sosial şəbəkə səhifələrində “Əsr Travel” MMC-nin təsisçisi və direktoru işləyən Əsgər Bayramovun Yasamal rayon məhkəməsinin qərarı ilə barəsində seçilmiş həbs qətimkan tədbiri qərarının ləğv edilərək məhkəmə iclas zalında azad edilməsi ilə bağlı informasiyalar yayılıb.
Həftəsonu Azərbaycanda baş verən yol-nəqliyyat hadisələri nəticəsində ölənlərin sayı açıqlanıb.
