Həkimlər hər zaman xərçəng xəstəliyinin ilkin əlamətlərinə xüsusilə diqqət etməyimizin lazım olduğunu bildirir. Vaxtında qoyulan dəqiq diaqnoz bu xəstəliyin uğurlu müalicə şansını artırır.
Realpress.az axar.az-a istinadən hər kəsin gözardı etdiyi, ancaq xərçəng xəstəliyinin ilkin əlaməti olan 16 göstəricini təqdim edir:
1. Aşırı dərəcə çəki itirilməsi
Pəhriz və idman vərdişlərində heç bir dəyişiklik olmadığı halda nəzarətdən çıxmış sürətli çəki itkisi xərçəngin əsas əlamətlərindən biridir. Xüsusilə də bir ay ərzində anidən itirilən çəkilərdən şübhələnmək və həkimə müraciət etmək lazımdır.
2. Şişkinlik
Qadınlarda tez-tez rast gəlinən şiş yumurtalıq xərçənginin əlamətlərindən biridir. Bu xərçəngin digər əlaməti isə qarın ağrısıdır. Yəni çox qida qəbul edilmədiyi halda doymaq hissi və ya həzm problemləri varsa, onu bu xəstəliyin ilkin göstərici kimi saymaq olar. Əgər şişkinlik problemi hər gün yaşanarsa və bir neçə həftə davam edərsə, həkim müayinəsi vacibdir.
3. Süd vəzisində dəyişikliklər
Döş dərisində ləkə, döş ucunun içə qayıtması, axıntı, qızartı, ya da dəri rəngində fərqlilik varsa, bu əlamətləri mütləq ciddiyə almaq lazımdır. Bununla yanaşı sinədə görünən və əllə hiss edilən bilən şişləri də unutmamaq lazımdır.
4. Menstruasiya dövrü olmadığı halda qanaxmaların olması
Menstruasiya olmadığınız halda ləkə şəklində axıntı gəlirsə, bu, şübhəli məsələlərdəndir. Bu problemlər genekoloji xərçəng xəstəliyinin xəbərçisi ola bilər.
5. Dəri rəngində dəyişiklik
Hər kəs dəri xərçəngi üçün xallardan və günəş ləkələrindən şübhələnmək lazım olduğunu bildirir. Fəqət dəyişiklər bunlarla bitmir. Dəridə yersiz qanamalar, cildin həssas olması kimi dəyişiklər önəmli əlamətlərdir.
6. Udma problemləri
Əgər yemək alışqanlığınız dəyişmədiyi halda udma problemləri yaşayırsınızsa və qusma varsa, bu, şübhəli vəziyyətdir. Sözügedən əlamət böyük ehtimalla udlaq borusu xərçənginin xəbərçisi ola bilər.
7. Nəcisdə qan
Əgər nəcisinizdə qan görsəniz, bu xərçəng xəstəliyinin əlamətlərindən biri ola bilər. Bəziləri tərəfindən ciddiyə alınmayan bu problemi gözardı etmək olmaz.
8.Qarın ağrısı və depressiya
Qadınlar qarın ağrısı ilə birlikdə depressiyaya da düşürlərsə, mütləq "çek ap" etməlidirlər. Mütəxəssislər bu əlamətlərin mədəaltı vəzi xərçənginin əlamətləri olduğunu düşünür.
9. Həzm problemi
Əgər hamilə deyilsinizsə və pəhrizinizə diqqət etdiyiniz halda keçməyən bir həzmsizlik problemi yaşayırsınızsa, bu, xərçəngin əlamətləri sayılır.
10. Ağızda dəyişikliklər
Xüsusilə, siqaret çəkirsinizsə və ağızınızda ağ yaralar və ya dilinizdə ağ ləkələr varsa, diş həkiminə və yaxud uzmana müraciət etməyiniz vacibdir.
11. Ağrı
İnsan bədəninin eyni hissəsində uzun müddət davam edən və səbəbi açıqlanmayan ağrılar varsa, bu, xərçəngin əlamətlərindədir.
12. Limfa düyünləri
Boğazınızda və ya qolaltınızda udqunan zaman limfa düyünlərində dəyişiklik hiss edirsinizsə, bu zaman xərçəngdən şübhələnmək lazımdır. Əgər bu şişlər bir ay ərzində böyüyərsə, demək, sizdə xərçəng riski var.
13. Yüksək temperatur
Qrip, infeksiya xəstəliyinə tutulmamısınızsa və yüksək temperaturunuz varsa, bu, qan xərçənginin əlamətləri ola bilər.
14. Yorğunluq
Yorğunluq bir sıra xəstəliyin əlaməti olmaqla yanaşı, həm də xərçəngin də əlamətI ola bilər. Yorğunluq daha çox mədə xərçənginin əlamətlərindən biridir.
15. Öskürək
Çox vaxt qrip və soyuqdəymənin simptomu kimi məlum olan öskürək 3-4 həftə davam edərsə, həkimə müraciət etmək lazımdır.
16. Dırnaqlarda dəyişiklik
Dırnaqlardakı dəyişiklik bir neçə xərçəng növünün əlaməti ola bilər. Əgər dırnağınızın altında qara və ya qəhvəyi ləkələr varsa, bu, dəri xərçənginin əlaməti ola bilər. Bundan başqa, dırnaqlarınız ağ və solğundursa, qaraciyər xərçənginin ilkin əlaməti ola bilər.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
