İmmunitetin 5 ən böyük düşməni

İmmunitetin 5 ən böyük düşməni
24 Okt 2018 10:29

İmmun sistemi bizi həm xarici (virus, mikrob və s.), həm də daxili (xərçəng hüceyrələri və s.) düşmənlərdən qoruyur.

İmmunitet çox mürəkkəb sistemdir. Mütəxəssislər deyir ki, immun sistemini zəiflətmək asan, möhkəmləndirmək isə çox çətindir. Bu səbəbdən immun sistemini zəiflədən amillərdən uzaq olmaq lazımdır.

Realpress.az saglamolun.az-a istinadən immun sistemini zəiflədən əsas 5 amili sizə təqdim edir:

1. Natamam, sağlam olmayan qidalanma

Qidalanma mümkün qədər sadə, təbii və sağlam, vitamin, mineral və qidalı liflərlə zəngin olmalıdır.

Qidalı liflərinin qidalanmada bol olması bağırsaq mikroflorasını normallaşdırır. Sağlam bağırsaq mikroflorası isə immun sisteminin yaxşı işləməsi üçün çox vacibdir.

Meyvə, tərəvəz, paxlalılar, göyərti qidalı liflərlə zəngindir.

2. Şəkər və şirniyyatlardan sui-istifadə

Şəkərin həddindən artıq istehlakı immun sistemi hüceyrələrinin sintezini azaldır.  

3. Stresslər

Stress zamanı orqanizmdə kortizol hormonunun ifrazı artır. Bu isə immun sisteminin fəaliyyətinə mənfi təsir edir. Stress xroniki hal aldıqda bu xüsusilə təhlükəlidir.

4. Güclü fiziki gərginliklər (ağır fiziki iş, idman)

Fiziki aktivlik immun sistemi üçün çox faydalıdır. Lakin çox güclü fiziki gərginliklər bütün orqanizmi və o cümlədən immun sistemini zəiflədir.

5. Pis vərdişlər

Siqaret və spirtli içkilərdə olan toksin və zəhərlər immun sisteminə güclü zərbə vurur.

Digər tərəfdən siqaret çəkən insanların nəfəs yollarında siqaretin təsirindən xroniki iltihab və qıcıqlanma yaranır ki, nəticədə onlar siqaret çəkməyənlərlə müqayisədə soyuqdəymə xəstəlikləri və tənəffüs sistemi infeksiyalarına qarşı daha həssas olur.


8 Dek 2021
Səhiyyə - Sağlamlıq

Şəkərli diabet xəstələrinə verilən insulinlərin miqdarı azaldılıb? - AÇIQLAMA

Ölkədə şəkərli diabet xəstələrinin dərmanlarla təminatında ciddi problemlər var.

6 Dek 2021
Səhiyyə - Sağlamlıq

Qanda hemoqlobini artırmaq üçün vasitələr açıqlandı

Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.

3 Dek 2021
Səhiyyə - Sağlamlıq

Qəhvənin gözlər üçün gözlənilməz faydası açıqlanıb

İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.

20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.