Bu il Azərbaycan Milli Elmlər Akademiyası (AMEA) İqtisadiyyat İnstitutunun yaranmasının 60 ili tamam olur. Bu münasibətlə oktyabrın 18-də AMEA-nın əsas binasında təntənəli iclas keçiriləcək.
İnstitutdan AZƏRTAC-a bildirilib ki, iclasda AMEA rəhbərliyi ilə yanaşı, dövlət və hökumət rəsmiləri, Milli Məclisin deputatları, ali məktəb rektorları, xarici ölkələrdən tanınmış iqtisadçı alimlərin iştirakları gözlənilir.
İclasda bir neçə xarici elmi mərkəzlə birgə tədqiqatların aparılması haqqında müqavilələrin imzalanması, gənc iqtisadçılar arasında keçirilmiş elmi məqalə müsa¬biqəsinin qaliblərinin mükafatlandırılması, Çin SEA İqtisadiyyat İnstitutu Elmi Şurasının səd¬ri, professor Pei Çanhunqa AMEA İqtisadiyyat İnstitutunun fəxri doktoru diplomunun təq¬dim edilməsi nəzərdə tutulur. Yubiley tədbirindən sonra “İqtisadi artım və ictimai rifah” mövzusunda beynəlxalq el¬mi konfrans keçiriləcək.
Tədbir çərçivəsində iclas iştirakçıları Fəxri xiyabanda xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edəcəklər. Həmçinin Şəhidlər xiyabanında Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarları ziyarət olunacaq.
Realpress.az
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.