Bakıda GPON dövrü başlayır

Bakıda GPON dövrü başlayır
11 Okt 2018 13:03


Tezliklə Bakı qəsəbələrindəki telefon dirəkləri və telefon məftilləri tarixə qovuşacaq. Paytaxtda bir xətt üzərindən üç – telefon, internet və televiziya xidmətlərinin göstərilməsini təmin edən GPON və yeni simsiz rabitə texnologiyalarına əsaslanan LTE layihələri həyata keçirilir. 

Realpress.az xəbər verir ki, “Baktelecom” tərəfindən həyata keçirilən layihə çərçivəsində 100 Mbit/s-ə qədər qoşulma sürəti, kəsintisiz internet, telefon xətlərindən asılılığın olmaması kimi üstünlüklərə malik GPON texnologiyası fiber-optik xətlər üzərindən təmin edilir.

GPON - Gigabit Passive Optical Network - Gigabit tutumlu Passiv Optik Şəbəkə deməkdir. Bu texnologiya kabel xətlərindən asılılıq olmadan yüksək sürətli məlumat ötürməyə, hava şəraitindən aslı olmayaraq, kəsintisiz xidmət göstərilməsinə imkan verir. 

Nəqliyyat, rabitə və yüksək texnologiyalar naziri Ramin Quluzadənin Nazirlər Kabinetinin üçüncü rüb üzrə iclasında açıqladığı rəqəmə görə, bu ilin sonunadək 42 mindən çox abunəçi sabit genişzolaqlı şəbəkəyə qoşulacaq. 

“Baktelecom”un “Üç bizimlə” paketi əsasında internet və telefon xidmətləri ilə yanaşı, yerli və xarici telekanalların keyfiyyətli yayımını həyata keçirən İPTV xidmətini təqdim etməsi nəticəsində xidmət keyfiyyəti yüksələcək. 

Layihənin birinci mərhələsində artıq 40 min mənzildə GPON infrastrukturu yaradılıb. Layihənin ikinci mərhələsinə start verilib ki, yaxın zamanda 100 minə qədər mənzildə bir optik xətt üzərindən multimedia xidmətləri təmin ediləcək.

LTE texnologiyasının (LTE-Long Term Evolution) tətbiqi sayəsində infrastruktur olmayan ərazilər də telekommunikasiya xidmətləri ilə təmin olunur. Beləliklə, yeni nəsil “Simsiz rabitə” şəbəkəsi ilə əhali telefon və digər multimedia xidmətləri ilə təmin edilir. Hazırda üç minədək abunəçi simsiz rabitə şəbəkəsinə qoşularaq telekommunikasiya xidmətlərindən yararlanır. 

Hazırda xidmət üzrə “Start”, “komfort”, “optima” tarifləri üzrə müştəriyə 10, 15 və ya 25 manatlıq sürət paketini seçmək təklif olunur. 

“Simsiz rabitə” xidmətinə qoşulmaq istəyən müştərilər simsiz şəbəkəni dəstəkləyən və yüksək keyfiyyəti ilə seçilən xüsusi “outdoor” avadanlıqlar əldə etməlidirlər. Bu qəbuledici cihazlar baza stansiyalarından ötürülən siqnalı stabil saxlamaq və tam həcmdə ötürmək imkanına malikdir. 


19 Okt 2018
İT

Dövlət Radiotezliklər İdarəsinin yaranmasından 50 il ötür

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən Dövlət Radiotezliklər İdarəsinin yaranmasından 50 il ötür. Bu münasibətlə nəqliyyat, rabitə və yüksək texnologiyalar naziri Ramin Quluzadə idarənin əməkdaşlarını təbrik edib.

19 Okt 2018
İT

İnternet istifadəçiləri göstəricisinə görə ölkəmiz digər MDB ölkələri ilə müqayisədə liderdir

Dünya İqtisadi Forumu 2018-ci il üzrə "Qlobal Rəqabətqabiliyyətlilik Hesabatı"nı ("The Global Competiviness Report 2018") dərc edib. Bu hesabat yeni metodologiya (yeni nəsil "4.0") əsasında hazırlanıb. Belə ki, yeni hesabatda əvvəlki hesabatın 114 göstəricisindən 84-ü çıxarılıb və 68 yeni  göstərici əlavə edilib. Ümumilikdə, sözügedən hesabatda 98 göstərici üzrə qiymətləndirmə aparılıb.

19 Okt 2018
İT

Samsung şirkəti Galaxy Book adlı hibrid planşetinin yeni nəslini təqdim edib

“Samsung” şirkəti “Galaxy Book” adlı hibrid planşetinin yeni nəslini təqdim edib. “Galaxy Book” planşetinin birinci nəsli “Intel Core”  prosessoru ilə təchiz edilmişdi. “Galaxy Book 2” isə “Always Connected PC” kateqoriyasına aiddir, “Qualcomm Snapdragon 850” ARM prosessoru, 1 QB-lik “LTE” texnologiyası ilə təchiz edilib və “Windows 10” əməliyyat sisteminin idarəetməsi altında işləyir. 

19 Okt 2018
İT

Populyar brauzerlər TLS protokolunun köhnə versiyalarının dəstəklənməsini dayandıracaq

2020-ci ilin birinci yarısında bütün əsas brauzerlər (Safari, Chrome, Edge, Internet Explorer və Firefox) “TLS” (Transport Layer Security) şifrləmə protokolunun 1.0 və 1.1 versiyalarının dəstəklənməsini dayandıracaq. Bu barədə internet brauzerlərinin istehsalçıları olan “Apple”, “Google”, “Microsoft” və “Mozilla” şirkətlərinin məlumatında deyilir.

19 Okt 2018
İT

Çində pilotsuz nəqliyyat təyyarəsinin uğurlu sınaqları keçirilib

Çinin Daxili Monqolustan Muxtar Rayonunda “Feyhun 98” pilotsuz nəqliyyat təyyarəsinin ilk uğurlu uçuş sınağı keçirilib.