“Huawei” şirkəti süni intellekt sistemləri üçün “Ascend” prosessorlarını təqdim edib. Onlar “Qualcomm” və “NVIDIA” şirkətlərinin analoji həlləri ilə rəqabət aparacaq.
“ICTnews” Elektron Xəbər Xidməti “Ferra” resursuna istinadən yazır ki, məlumata görə, “Ascend 910” çipi məlumat emalı mərkəzlərində istifadə, “Ascend 310” isə smartfon, “ağıllı” saat, “Əşyalar interneti” qurğuları və s. internetə qoşulan qurğular üçün nəzərdə tutulub.
“Ascend 910” prosessoru 7 nanometrlik, “Ascend 310” isə 12 nanometrlik texnoloji proses üzrə hazırlanıb. Bundan başqa, “Ascend 310” prosessorunun maksimal enerji sərfiyyatı 8 vatt təşkil edir.
Prosessorlar əsasında sistemlərin 2019-cu ilin ikinci rübündə satışa çıxarılması nəzərdə tutulur. Bundan başqa, növbəti ildə “Huawei” şirkətinin süni intellekt əsaslı sistemlər üçün daha 3 çipi buraxılacağı gözlənilir.
Realpress.az
“Eset” antivirus şirkəti “WhatsApp” messencerində yeni fırıldaqçılıq növü aşkar edib.
"Facebook" şirkəti 2020-ci ildə özünün kriptovalyutasını dövriyyəyə buraxmağı planlaşdırır.
ABŞ-ın "Uber" taksi sifarişi xidməti və İsveçin "Volvo Cars" avtomobil istehsalçısı "Volvo XC90" yolsuzluq avtomobili əsasında avtonom avtomobil təqdim edib. Bu barədə "Volvo" şirkətinin məlumatında deyilir.
ABŞ-ın “Intel” mikroprosessorlar istehsalçısı İsraildə avtonom sistem və süni intellekt texnologiyalarının hazırlanması ilə məşğul olan startaplar üçün inkubator istifadəyə verib. Oxşar layihələrin digər ölkələrdə də işə salınması planlaşdırılır.
