Elektron qurğularda silisiumu əvəzləyəcək texnologiya hazırlanıb

Elektron qurğularda silisiumu əvəzləyəcək texnologiya hazırlanıb
10 Okt 2018 13:27

ABŞ mühəndisləri silisiumu üstələyən materiallardan yarımkeçirici plyonkaların yaradılması texnologiyasını hazırlayıblar.

“ICTnews” Elektron Xəbər Xidməti “Naukatv” resursuna istinadən yazır ki, məlumata görə, müasir hesablama qurğularının əksər hissəsi silisiumdan - dünyada oksigendən sonra ən geniş yayılmış elementdən istehsal edilir. Müxtəlif silisium birləşmələrinə daşlarda, gildə, qum və torpaqda rast gəlmək mümkündür. Silisium kompüter və smartfonlarda ötürücülər, günəş elementləri və inteqral sxemləri daxil olmaqla əksər elektron qurğularda istifadə edilən əsas materialdır. Lakin bununla yanaşı, silisium planetdə mövcud olan ən yaxşı yarımkeçirici material hesab edilmir.  

Bildirilir ki, hazırda Massaçusets Texnologiya İnstitutunun (MIT) mühəndisləri silisiumdan fərqlənən çoxlu qeyri-adi materialdan ibarət nazik yarımkeçirici plyonkaların yaradılması texnologiyasının hazırlanması ilə məşğuldurlar. Tədqiqatçılar aparılan işin nəticələrini nümayiş etdirmək üçün yarımkeçirici xüsusiyyətlərinə görə silisiumu geridə qoyan qallium arsenid, qallium nitridi və litium ftorid materiallarından ibarət elastik plyonkalar hazırlayıblar.

Ekspertlərin fikrincə, yeni texnologiya müasir silisium qurğularından daha yaxşı işləyə bilən istənilən yarımkeçirici elementli birləşməyə malik effektiv iqtisadi elastik elektronika istehsalı metodudur.   

Realpress.az


16 Okt 2018
İT

Virtual reallıqda obyektlərin formasını hiss etməyə imkan verən əlcək hazırlanıb

"HTC", "Oculus" və "Sony" kimi şirkətlərin səyi sayəsində virtual reallıq daha da geniş yayılmaqdadır. Ancaq istənilən virtual reallıq dünyasında bir problem mövcuddur: fiziki əlaqəni hiss etmək mümkün deyil. Lakin virtual reallıqda fiziki əlaqəni hiss etməyə imkan verən əlcəyin ixtirası bir çox şeyi dəyişdirə bilər. 

16 Okt 2018
İT

Microsoft korporasiyasının həmtəsisçisi Pol Allen vəfat edib

"Microsoft" korporasiyasının həmtəsisçisi Pol Allen çərşənbə axşamı 65 yaşında dünyasını dəyişib. Bu barədə onun "Vulcan Inc" şirkətinin saytında deyilir.

16 Okt 2018
İT

Ən sürətli kamera yaradılıb

ABŞ-ın Kaliforniya Texnologiya İnstitutunun və Kanadanın Kvebek Universitetinin tədqiqatçıları dünyanın ən sürətli kamerasını icad ediblər.

16 Okt 2018
İT

Android sisteminin idarəetməsi altında işləyən ən kiçik smartfon təqdim edilib

2010-cu ildə cib kompüterləri istehsal edən “Palm” şirkəti “Hewlett-Packard” şirkəti tərəfindən satın alındıqdan sonra fəaliyyətini dayandırmışdı və 2014-cü ildə Çinin “TCL Corporation” şirkəti sözügedən brend üzərində hüquqa yiyələnmişdi.

16 Okt 2018
İT

Ölkəmizdə domen adları sisteminin təhlükəsizliyini qoruyan kriptoqrafiya açarları uğurla dəyişdirilib

Domen adları və IP ünvanlarının idarə edilməsi üzrə korporasiyanın (ICANN) tələb və tövsiyyələrinə əsasən,  oktyabrın 11-də bütün dünyada olduğu kimi, ölkəmizdə də domen adları sisteminin təhlükəsizliyini qoruyan kriptoqrafiya açarları dəyişdirilib. Bu texniki əməliyyat uğurla həyata keçirilib. Prossesin ölkəmizdə fəaliyyət göstərən provayderlərə və adi istifadəçilərə heç bir təsiri olmayıb.