İlk Facebook qurğusu buraxılıb

İlk Facebook qurğusu buraxılıb
09 Okt 2018 15:47

“Facebook” şirkəti “Messenger” əlavəsi vasitəsilə videodanışıqlar üçün nəzərdə tutulan və fərdi məlumatların mühafizəsi üçün bir sıra funksiyalara malik “Portal” və “Portal+” “ağıllı” dinamiklərini təqdim edib.

“ICTnews” Elektron Xəbər Xidməti “TASS” resursuna istinadən yazır ki, “Portal” dinamikinin ekran diaqonalı 10 düym (25,4 sm), “Portal+” dinamikinin isə 15,6 düym (39,6 sm) təşkil edir. Şirkət əsas diqqəti qurğuların proqram təminatının söhbət zamanı otaqda neçə nəfərin olmasını müəyyənləşdirərək kameranı onlara yönəltməsi imkanına yetirib. Bundan əlavə, yeni qurğuların mikrofonları hətta hərəkətdə olan istifadəçinin səsini yüksəldir. Qrup şəklində zənglərdə eyni anda 7-dək qurğudan istifadə mümkündür.

Məlumata görə, “Alexa” əlavəsini dəstəkləyən “ağıllı” dinamikləri səslə idarə etmək onlar. Şirkət nümayəndələri bildirir ki, “Portal” və “Portal+” vasitəsilə hava proqnozu haqqında məlumat əldə etmək, məhsullar sifariş vermək, avtomatlaşdırılmış məişət sistemlərini idarə etmək mümkündür. Bundan başqa, danışıq zamanı əlavə reallıq effektlərindən istifadə etmək olar.

Bildirilir ki, “Facebook” qurğu istifadəçilərinin fərdi məlumatlarının mühafizəsinə xüsusi diqqət yetirib. Belə ki, kameranın bağlanılması üçün çexol mövcuddur, onu və mikrofonu bir toxunuşla söndürmək olar. Qeyd olunur ki, şirkət “Portal” və “Portal+” vasitəsilə aparılan danışıqlara aid məlumatları toplamır, kamera və mikrofonun işləməsi zamanı bütün proqram prosesləri “Facebook” serverlərində deyil, qurğularda aparılır.

Hazırda ABŞ-ın internet mağazalarında qurğular üçün ilkin sifarişlərin qəbuluna başlanılıb. Onların alıcılara çatdırılması noyabra nəzərdə tutulur.

Realpress.az


19 İyul 2019
İT

Qazanaoxşar dron yaradılıb-Video

Lozanna Federal Politexnik Məktəbinin (EPFL) mühəndisləri uçuş müddəti artırılan "Flybotix" adlı pilotsuz uçan aparat yaradıblar. İkimotorlu dron adi modellərlə müqayisədə iki dəfə çox məsafə qət edə bilir.  

19 İyul 2019
İT

“Google Play” mağazasında casus proqramları aşkar edilib

“Avast” antivirus istehsalçısı “Google Play” mağazasının kataloqunda 7 casus proqramı aşkar edib. Bu proqramların köməyi ilə kolleqa və qohumları izləmək mümkün idi.

19 İyul 2019
İT

Britaniyada enerji səmərəliliyinə malik texnologiyaların inkişafına maliyyə vəsaiti ayrılacaq

Böyük Britaniya hökuməti enerji sistemlərinin səmərəliliyinin artırılmasına yönələn texnoloji layihələrə maliyyə dəstəyi göstərəcəyini açıqlayıb. Seçim mərhələlərindən uğurla keçən şirkətlərə 100-500 min funt-sterlinqi (124-621 min dollar) ayrılması nəzərdə tutulur.

19 İyul 2019
İT

Alimlər kvant kompüterinin işini 200 dəfə sürətləndirməyə nail olublar

Hər bir hesablama maşını məntiqi ventillərdən (məntiqi əməliyyatları yerinə yetirən qurğular) ibarətdir. Məntiqi ventillərə informasiya bit və ya kubitlər şəklində daxil olur. Daxil olan siqnalların sayı 1-dən 3-dək ola bilər. Yəni, məsələn, iki bitlik ventillərə 2 siqnal daxil olur, onun daxilində emal edilir və vahid informasiya axını şəklində çıxır. Bu qurğular hesablamaların aparılması üçün çox vacibdir və onların işləmə sürəti kompüterin sürətinə birbaşa təsir edir.

19 İyul 2019
İT

Yaponiya “Libra” kriptovalyutasının etibarlılığına şübhə edir

Yaponiya hökuməti “Facebook” şirkətinin tezliklə dövriyyəyə buraxmaq istədiyi “Libra” kriptovalyutasını beynəlxalq pulköçürmələri üçün əlverişli vasitə hesab edir, lakin onun etibarlılığına şübhə ilə yanaşır. Bu barədə “Böyük yeddiliyin” (G7) Fransanın Şantiyi şəhərində keçirilən maliyyə nazirliklərinin və mərkəzi bankların rəhbərlərinin iclasında iştirak edən Yaponiya Baş nazirinin müavini, maliyyə naziri Taro Aso bildirib.