İstifadəçilər "Windows 10 October 2018 Update" yeniləməsini quraşdırdıqdan sonra qovluqlardan faylların itməsini qeydə alıblar. Bəzi istifadəçilər sosial şəbəkə və "Reddit" portalında bu barədə post dərc edərək şikayət ediblər.
"ICTnews" Elektron Xəbər Xidməti "life.ru" saytına istinadən yazır ki, onların sözlərinə görə, sözügedən yeniləməni quraşdırdıqdan sonra bəzi istifadəçilərdə "Şəkillər", "Yükləmələr", "Sənədlər" və "Musiqi" qovluqlarında yerləşən bütün fayllar, sadəcə, itir.
İndi istifadəçilər itmiş faylları bərpa etmək üsulunu axtarır. Əsas variantlar aşağıdakılardır: "bulud" saxlanc sistemi vasitəsilə və ya köhnə əməliyyat sisteminə aid bütün faylların saxlanıldığı "Windows.old" qovluğu vasitəsilə.
Məlumat üçün bildirək ki, "Microsoft" korporasiyası "Windows 10 October 2018 Update" yeniləməsini oktyabrın 3-də təqdim edib. Əsas yenilik olan "Sizin telefonunuz" mobil proqramı vasitəsilə "Android" sisteminin idarəetməsi altında işləyən smartfondan faylları kompüterə göndərmək, həmçinin SMS mesajlar qəbul etmək və göndərmək mümkündür.
Realpress.az
Vatsapın rusiyalı istifadəçiləri messencerin iş keyfiyyətindən şikayətlənirlər.
Rusiya Baş Prokurorluğu Rabitə, İnformasiya Texnologiyaları və Kütləvi Kommunikasiyalara Nəzarət üzrə Federal Xidmətindən “Instagram”a məhdudiyyət qoyulmasını tələb edib.
Notbuk seçərkən çoxsaylı modellər arasında başını itirə bilərsən. Bu halda “Apple” brendi işimizi xeyli asanlaşdırır. Belə ki, bu şirkət kəmiyyətə deyil, keyfiyyətə üstünlük verir, buna görə də onun notbukları lakonikliyi və rahatlığı ilə seçilir.