Azərbaycanda startapçılara səfər qrantlarının verilməsinə başlanılıb

Azərbaycanda startapçılara səfər qrantlarının verilməsinə başlanılıb
04 Okt 2018 14:45

Nəqliyyat, Rabitə və Yüksək Texnologiyalar Nazirliyinin Yüksək Texnologiyalar Parkı (YTP) səfər qrantları verməyə başlayıb. 
 
Səfər qrantları Azərbaycan Respublikasında fəaliyyət göstərən startap layihələrinin yaradıcılarına xaricdə investisiya yönümlü beynəlxalq startap tədbirlərdə iştirak etmək, həmçinin, xarici investorlarla görüşlər keçirmək üçün səfərlərin təşkil edilməsi məqsədi ilə verilir. 
Bu gün "Fast Track" Akselerasiya Proqramı çərçivəsində ilk səfər qrantlarının təqdimat mərasimi keçirilib. 
 

Səfər qrantı verilən layihələrdən biri "Ticketsetup" startapı olub. Bu layihə çərçivəsində yaradılmış sistemin köməyi ilə bilet satışını çox asanlıqla mərkəzləşmiş qaydada təşkil etmək mümkündür. Sistem biletin yaradılması, biletin satışı və həmçinin biletin yoxlanılması kimi bütün mərhələləri özündə birləşdirir.  
Həmçinin, satılmış biletlər haqqında müxtəlif hesabatların interaktiv idarəetmə panelindən əldə edilməsinə imkan verir. 
 
İndiyədək Azərbaycanda "Ticketsetup" sistemi vasitəsi ilə 1.5 milyondan artıq bilet satışı həyata keçirilib. 
 
Layihə rəhbəri qrant səfəri çərçivəsində Almaniyanın Köln şəhərində Avropanın ən iri startap tədbirlərindən biri hesab edilən "StartupCon" tədbirində və sərgidə iştirak edəcək, akselerasiya proqramlarına qoşulacaq. 
 
Proqram çərçivəsində Startapların beynəlxalq sərgisində iştirak etməklə yanaşı, sentyabrın 15-dən etibarən "RTZ Center Co-working" mərkəzində 3 ay müddətində pulsuz ofisdən istifadə etmək fürsəti əldə ediləcək. Əsas məqsədi məhsulu Avropa bazarına çıxarmaq və şirkətin rəsmiləşdirilməsi prosesini həyata keçirmək, yerli bazarı dərindən öyrənmək, həmçinin potensial müştərilərlə görüşmək olan layihə YTP tərəfindən verilən səfər qrantı sayəsində qarşıya qoyulan hədəfə daha da yaxınlaşmış olacaq. 
Səfər qrantı verilən digər layihə isə "OnBrunch" layihəsi olub. Bu layihə hazırda ayrı-ayrı ictimai məkanların servislərinin virtual proyeksiyasını yaradır. Həmçinin "Onbranch"da məkanların menyuları, üçölçülü rezervasiya sistemi, onlayn satış, endirimlər və bu kimi məlumatları əldə etmək mümkündür. 
Sözügedən layihə Türkiyənin İstanbul şəhərində keçiriləcək "Startup İstanbul Competition"a dəvət alıb.  

Qeyd edək ki, "Startup İstanbul" dünyanın 135 ölkəsindən 25000 müraciət arasından seçilmiş 100 finalçının iştirak etdiyi startap yarışı olmaqla yanaşı, həm də nüfuzlu mentorların iştirakı ilə keçirilən forumdur.

Realpress.az


20 İyun 2019
İT

Smartfonlar üçün sürətli enerjidoldurma texnologiyası təqdim edilib

Çinin “Vivo” şirkəti smartfonlarının enerji ilə doldurulması üçün “Super FlashCharge” texnologiyasını təqdim edib. 120 vatt gücündə texnologiya 4000 milliamper/saat tutuma malik smartfonun akkumulyatorunu 13 dəqiqə ərzində enerji ilə doldurmağa imkan verir.

20 İyun 2019
İT

Nyu-Yorkun mərkəzində “Samsung” şirkətinin ən yeni “LED” ekranı quraşdırılıb

Cənubi Koreyanın "Samsung Electronics" şirkətinin mütəxəssisləri Nyu-Yorkun "Times Square" meydanında yerləşən məşhur 1 №-li binanın üzərində ən yeni işıq diodlu (LED) ekranların quraşdırılmasını başa çatdırıblar. Panelin qeyri-adiliyi ondadır ki, onun ümumi sahəsi 11 639 kvadrat fut təşkil edir ki, bu da təxminən 1081 kvadratmetrə bərabərdir.

20 İyun 2019
İT

Qlobal superkompüter reytinqi dərc edilib

“TOP500” layihəsi dünyanın ən güclü superkompüterlər reytinqinin 53-cü versiyasını dərc edib.

20 İyun 2019
İT

NRYTN-in İnnovasiyalar Agentliyinin layihəsi “İlin İT hadisəsi” oldu

Nəqliyyat, Rabitə və Yüksək Texnologiyalar Nazirliyinin də rəsmi dəstəyi ilə keçirilən "NETTY 2019" Azərbaycanın milli internet müsabiqəsinin 15-ci mükafatlandırma mərasimi keçirilib.  

20 İyun 2019
İT

Yeni nəsil “Amazon Kindle Oasis” elektron kitabı təqdim olunub

“Amazon” şirkəti “Kindle Oasis” elektron kitabının onuncu nəslini təqdim edib. Modelin dizaynı dəyişməz qalsa da, ekranda böyük dəyişikliklər edilib.