Sumqayıt Teatrı Bakıya gəlir

Sumqayıt Teatrı Bakıya gəlir
03 Okt 2018 13:20

Oktyabrın 8-də Sumqayıt Dövlət Dram Teatrı Azərbaycan Dövlət Musiqili Teatrının qonağı olacaq.

Musiqili Teatrın mətbuat xidmətindən AZƏRTAC-a bildirilib ki, kollektiv teatrsevərlərə Azərbaycan Xalq Cümhuriyyətinin 100, Hüseyn Cavidin 135 və Sumqayıt Dövlət Dram Teatrının 50 illiyinə həsr olunmuş “Zülmətdə nur” (Nizami Muradoğlu) mənzum pyesi əsasında hazırlanan tamaşanı nümayiş etdirəcək.

Xalq artisti Firudin Məhərrəmovun quruluş verdiyi bu səhnə əsəri 37-ci il repressiyalarında imperiyanın hədəfinə tuş gələn görkəmli dramaturq, romantizmin və mənzum dram janrının banisi Hüseyn Cavidin ailəsinin faciəvi taleyindən, o cümlədən Əhməd Cavad və Mikayıl Müşfiqin kəşməkeşli həyatından bəhs edir.

Tamaşada rolları Əməkdar artistlər İlahə Səfərova, Rauf Ağakişiyev, Cəlal Məmmədov, İzaməddin Bağırov, aktyorlar Habil Xanlarov, Rövşən Əsgərov, Akif Mirzəyev, İlham Səfərli, Dağlar Rüstəmov, İlahə Səfərova, Sədaqət Nuriyeva, Rövşad İlyasov, Oqtay Mehdiyev, Şəhla Məmmədova, Kamran Muradlı, Orxan Firudinov və Şəmistan Süleymanlı ifa edəcəklər.

Realpress.az


10 Dek 2018
Mədəniyyət

Azərbaycan ifaçısı Riqa musiqi festivalının Qran-pri mükafatına layiq görülüb

Dekabrın 6-dan 9-dək Latviyanın paytaxtı Riqa şəhərində “Riga Symphony” VII Beynəlxalq musiqi festivalı keçirilib.

7 Dek 2018
Mədəniyyət

Nazirdən Fəxrəddin Manafovun teatrdan getmə xəbərinə reaksiya — Araşdırma aparılır + VİDEO

Ötən gündən xalq artisti Fəxrəddin Manafovun Rus Dram Teatrından ayrılması haqda rəsmi açıqlaması ciddi rezonans doğurub.