Damar tıxanmasına qarşı 7 məhsul

Damar tıxanmasına qarşı 7 məhsul
25 Sent 2018 10:05

Xroniki damar xəstəliyi olan ateroskleroz  bütün dünyada infarkt və insult nəticəsində ölümün əsas səbəbidir.

Ateroskleroz zamanı damarlar iltihablaşır, daxilində piyə oxşar maddələr (xolesterin, lipidlər) yığılmağa başlayır. Nəticədə damar daralır, tıxanır. Belə damar asanlıqla partlaya və ya tam qapana bilər. Bu isə insult və ya infarkta səbəb ola bilər.  

Ateroskleroz gizli və simptomsuz inkişaf edir və bu da onu vaxtında aşkar etməyə mane olur.

Diyetoloqların fikrinə görə, qidalanma aterosklerozun profilaktikasında böyük rol oynayır. Bəzi məhsulların qidalanmada daim olması aterosklerozun inkişafını ləngidir.

Belə ki, rusiyalı həkim-diyetoloq Oksana Skitalinskaya aterosklerozun qarşısını almaq üçün tez-tez müxtəlif sıyıqları (düyü, arpa, yulaf, darı, qarabaşaq, buğda, kinoa) yeməyi tövsiyə edir.

Sıyıqlar liflərlə zəngindir. Bu liflər orqanizmdən artıq xolesterini çıxartmağa yardım edir.

Realpress.az saglamolun.az-a istinadən bildirir ki, diyetoloqun fikrinə görə, göyərti də aterosklerozun qarşısını alan ən faydalı məhsullardan biridir. Göyərtilərin istehlakı orqanizmdə homosistein aminturşusunun səviyyəsini aşağı salır. Homosisteinin səviyyəsi yüksək olduqda aterosklerozun riskini xeyli artır.

Azot oksidi ilə zəngin olan qarpız və çuğundur da aterosklerozun riskini azaldır. Orqanizmdə azot oksidinin sintezinin azalması aterosklerozun inkişafını sürətləndirir.

Ateroskleroz sağlam damarlarda deyil, iltihablaşmış damarlarda inkişaf edir. Zeytun yağı və qoz-fındıq bu iltihabın qarşısını almağa kömək edir.


8 Dek 2021
Səhiyyə - Sağlamlıq

Şəkərli diabet xəstələrinə verilən insulinlərin miqdarı azaldılıb? - AÇIQLAMA

Ölkədə şəkərli diabet xəstələrinin dərmanlarla təminatında ciddi problemlər var.

6 Dek 2021
Səhiyyə - Sağlamlıq

Qanda hemoqlobini artırmaq üçün vasitələr açıqlandı

Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.

3 Dek 2021
Səhiyyə - Sağlamlıq

Qəhvənin gözlər üçün gözlənilməz faydası açıqlanıb

İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.

20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.