İsraildə yüksəksürətli hava qatarı tikiləcək

İsraildə yüksəksürətli hava qatarı tikiləcək
24 Sent 2018 15:13

İsrailin sürətlə inkişaf edən Netaniya şəhərində ölkədə ilk maqnitoplan – “hava qatarı” (Skytrain) qurulacaq. O, hava nəqliyyatı ilə rəqabət aparmaq iqtidarında olacaq.

“ICTnews” Elektron Xəbər Xidməti “RİA Novosti” resursuna istinadən yazır ki, məlumata görə, maqnitoplan 2-3 nəfərlik sərnişin tutumuna malik kapsul formasında “marşrut taksiləri”dir və 25 metr hündürlükdə (təxminən 7-8 mərtəbəli bina səviyyəsində) hərəkət edəcəklər. Sərnişinlər minmə məntəqələrinə liftlər vasitəsilə qaldırılacaq.  

Netaniya meri səlahiyyətlərini icra edən Eli Dalyala hesab edir ki, “Skytrain” təkcə sürət və tıxacın qarşısını almaq kimi üstünlüklərə malik deyil.

“O, ətraf mühiti çirkləndirməyən maqnit mühərrik vasitəsilə hərəkət edir. Belə nəqliyyatın istismar xərcləri digər şəhər nəqliyyat növləri, o cümlədən metro ilə müqayisədə yüksək deyil. “Skytrain” xətlərini mövcud nəqliyyat arteriyaları üzərində çəkmək planlaşdırılır və monorels şəbəkəsi yaradıldıqdan sonra şəhərin istənilən nöqtəsinə getmək mümkün olacaq”, - mer qeyd edib.

Bildirilir ki, yolun 650 metr uzunluğunda ilk eksperimental hissəsi yaşayış mikrorayonlarından birini dəmir yolu vağzalı ilə birləşdirəcək. Monorelsli yol xüsusi gərginlikli şəhər şosesini iki hissəyə böləcək və sənaye zonası üzərindən keçəcək.

Maqnitoplanı relslər üzərində elektromaqnit sahəsinin gücü saxlayacaq. Belə qatar ənənəvi qatarlardan fərqli olaraq hərəkət zamanı rels səthinə toxunmur və 300 km/saat sürətlə hərəkət edir.  

Layihələndirmə işləri artıq başa çatıb. Meriya nümayəndələrinin fikrincə, yolun ilk hissəsinin tikintisinə 20 milyon şekel (təxminən 6 milyon dollar) tələb olunacaq. Dövlət tərəfindən vəsait ayrılmayacağı təqdirdə xarici sərmayədarın cəlb edilməsi üçün müsabiqə elan ediləcək.

Realpress.az


28 Fev 2024
Maraqlı

Yer kürəsində gözlənilməz maqnit qasırğası başlayıb

Günəşdəki güclü partlayışlar Yerdə gözlənilməz maqnit qasırğasına səbəb olub.

20 Fev 2024
Maraqlı

Günəşdən daha parlaq cisim kəşf edilib

Avstraliya və Çilidən olan bir qrup elm adamı Çilidəki Atakama səhrasında teleskopların köməyilə apardıqları müşahidələr nəticəsində "J0529-4351" adlı son dərəcə parlaq və kütləvi kvazar ( Kvazi ulduzlar və ya kvazarlar-müşahidə olunan kainatın ən parlaq obyektləridir ) haqqında təəccüblü təfərrüat aşkarlayıblar.

16 Fev 2024
Maraqlı

Günəşdə güclü partlayış baş verib

Günəşdə ən yüksək “X” sinfinə aid partlayış baş verib.

12 Yan 2024
Maraqlı

Günəşin kənarında güclü püskürmənin möhtəşəm görüntüsü qeydə alındı - VİDEO

Günəşin kənarında hələ nömrələnməmiş yeni günəş ləkələri qrupunda M1.94 sinifli püskürmə baş verib.