Milli Oftalmologiya Mərkəzində zəif görənlər bölməsi fəaliyyət göstərəcək

Milli Oftalmologiya Mərkəzində zəif görənlər bölməsi fəaliyyət göstərəcək
15 Sent 2018 19:45

Sentyabrın 18-də Akademik Zərifə Əliyeva adına Milli Oftalmologiya Mərkəzinin zəif görənlər (low vision) şöbəsinin təqdimatı olacaq.

Mərkəzdən AZƏRTAC-a bildiriblər ki, bu xidmət ölkədə ilk dəfə olaraq Akademik Zərifə Əliyeva adına Milli Oftalmologiya Mərkəzində yaradılıb.

Bir çox göz xəstəliklərinin müalicə olunmasına baxmayaraq, əldə olunan nəticə qənaətbəxş olmur. Xəstələr oxumaqda, televiziya izləməkdə əziyyət çəkir, sosial, məişət həyatda əvvəlki kimi aktiv ola bilmirlər. Bəzi insanlar bununla qane olaraq keyfiyyətsiz həyat keçirirlər. Belə xəstələr üçün Azərbaycanda ilk dəfə yaradılmış, son texnologiya ilə təchiz olunmuş, yüksək elmi potensiala malik zəif görənlər bölməsi fəaliyyətə başlayıb. Bölmədə hər bir xəstəyə fərdi yanaşılır. Onların gündəlik həyat fəaliyyətlərinin yaxşılaşdırılması üçün son texnologiya olan cihazlar seçilir və təyin edilir. Təqdimatın keçirilməsində məqsəd bölmənin fəaliyyəti və burada görüləcək işlər, eləcə də aparılacaq fərqli və müasir müalicə üsullarında istifadə olunacaq cihazlarla cəmiyyəti tanış etməkdir.

Qeyd edək ki, Akademik Zərifə Əliyeva adına Milli Oftalmologiya Mərkəzinin həyata keçirdiyi yeniliklər, tədbirlər ölkə başçısının səhiyyə ilə bağlı reallaşdırdığı layihələrin əsas tərkib hissələrindən hesab olunur. Mərkəzin Gəncə və Masallı filialları da ən son texnoloji avadanlıqlarla təchiz olunub. Klinikada təcrübəli və xaricdə ixtisas keçmiş həkim-oftalmoloqlar bütün göz xəstəliklərinin müayinə və müalicəsi, eləcə də əməliyyatı ilə məşğul olur. 2005-ci ildən mərkəzin avtomobil Səyyar Klinikası mütəmadi olaraq respublikasının müxtəlif regionlarında pasiyentlərə xidmət göstərir. Bununla yanaşı 2017-ci ildən Mərkəzin Səyyar Qatarı da fəaliyyətə başlayıb.


8 Dek 2021
Səhiyyə - Sağlamlıq

Şəkərli diabet xəstələrinə verilən insulinlərin miqdarı azaldılıb? - AÇIQLAMA

Ölkədə şəkərli diabet xəstələrinin dərmanlarla təminatında ciddi problemlər var.

6 Dek 2021
Səhiyyə - Sağlamlıq

Qanda hemoqlobini artırmaq üçün vasitələr açıqlandı

Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.

3 Dek 2021
Səhiyyə - Sağlamlıq

Qəhvənin gözlər üçün gözlənilməz faydası açıqlanıb

İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.

20 May 2021
Səhiyyə - Sağlamlıq

Dəri xərçənginin qarşısını almaq mümkündür!

24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.   

3 May 2021
Səhiyyə - Sağlamlıq

Hamiləlik - sağlam başlanğıcın təməli

Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.