Arzu Əliyeva Azərbaycan kinosunun 120 illiyinə həsr olunmuş musiqi axşamında iştirak edib - FOTO

Arzu Əliyeva Azərbaycan kinosunun 120 illiyinə həsr olunmuş musiqi axşamında iştirak edib - FOTO
15 2018 11:21

Sentyabrın 14-də Bakı Media Mərkəzi "Şirvanşahlar Saray Kompleksi" Dövlət Tarix-Memarlıq Qoruq muzeyində Azərbaycan kinosunun 120 illiyinə həsr olunmuş musiqi axşamı təşkil edib.

Realpress.az xəbər verir ki, mərkəzdən Trend-ə verilən məlumata görə, "Bakcell" şirkətinin sponsorluğu ilə baş tumuş tədbirdə Bakı Media Mərkəzinin prezidenti Arzu Əliyeva, kino və musiqi xadimləri, rəsmi nümayəndələr və başqa qonaqlar iştirak edib.

Tədbirin keçirilməsində məqsəd Azərbaycan kinosunun 120 illiyini qeyd etmək, kino yaradıcılığının xalqın mədəni-mənəvi həyatında və Azərbaycanın zəngin mədəniyyət salnaməsində oynadığı rolu bir daha vurğulamaq, eləcə də musiqinin filmlərin mühüm komponenti olmasını qabartmaq idi.

Tədbirdə Azərbaycan kinosunun keçdiyi tarixi yola qısa nəzər salınıb və Bakı Media Mərkəzinin fəaliyyət göstərdiyi 5 il ərzində müasir Azərbaycanın sənədli filmlərinin səlnaməsinin yaradılması işinə verdiyi töhfələrdən də danışılıb. Mərkəzin istehsal etdiyi filmlərin Azərbaycan tarixini, mədəniyyətini və multikulturalizim dəyərlərini özündə əks etdirdiyi bildirilib, eyni zamanda bu filmləri Azərbaycanda və dünyada rəsmi rəqəmlərə görə, 60 milyondan çox tamaşaçının izlədiyi qeyd olunub.

Musiqili gecədə Azərbaycanın görkəmli bəstəkarlarının filmlər üçün bəstələdiyi musiqi əsərləri yeni aranjimanda təqdim olunub. Eyni zamanda, filmlərdən olan görüntülər proyeksiya vasitəsilə xüsusi hazırlanmış video-kontentlə Şirvanşahlar Saray Kompleksinin divarlarında nümayiş etdirilib.

Qeyd edək ki, Bakı Media Mərkəzi Azərbaycanın audiovizual məhsulların istehsalı ilə məşğul olan aparıcı və innovativ media şirkətidir. Mərkəzin son işləri sırasında "Hədəf Bakıdır. Hitler neft uğrunda döyüşü necə uduzdu", "Əbədi ezamiyyət", "Multikulturalizm İli"nə həsr olunmuş "Bir günəş altında", Azərbaycan Xalq Cümhuriyyətinin 100 illiyinə həsr edilmiş "Son iclas" və digər filmlər yer alır.

Mərkəz haqqında daha ətraflı məlumatı şirkətin www.bakumediacenter.az rəsmi internet saytından, Facebook, Youtube, Linkedin, Instagram və Twitter sosial şəbəkələrindəki səhifələrindən əldə etmək mümkündür.


18 Fev 2019
Mədəniyyət

Xocalı faciəsinə həsr olunmuş Cəzasız cinayət filminin təqdimatı olacaq

Fevralın 22-də Azərbaycan İstiqlal Muzeyində “Cəzasız cinayət” adlı sənədli filmin təqdimatı olacaq.

15 Fev 2019
Mədəniyyət

Kürdəmirdə mədəniyyət işçilərinin toplantısı olub

Kürdəmir Regional Mədəniyyət İdarəsinin təşkilatçılığı ilə Rayon Tarix-Diyarşünaslıq Muzeyində idarəyə tabe olan mədəniyyət müəssisələrində çalışan rəhbər və gənc əməkdaşların iştirakı ilə toplantı keçirilib.

14 Fev 2019
Mədəniyyət

Nəsimişünaslar dilə gəldi: Afət ucuz yolla tanınmaq istəyib - AÇIQLAMA

Nəsimişünaslar dilə gəldi: Afət ucuz yolla tanınmaq istəyib - AÇIQLAMA

14 Fev 2019
Mədəniyyət

Xocalı qurbanları Milli Dram Teatrında Qarabağnamə ilə anılacaq

Azərbaycan Dövlət Akademik Milli Dram Teatrı Xocalı faciəsinin 27-ci ildönümü münasibətilə “Qarabağnamə”ni təqdim edəcək.

13 Fev 2019
Mədəniyyət

200-dən çox incəsənət nümayəndəsi nazirə müraciət etdi

Azərbaycanın ilk müstəqil teatrı olan ADO maliyyə çətinliklərindən dolayı məkanını itirə bilər.