Avropa Liqasının qrup mərhələsinin ilk turunda “Sportinq”lə qarşılaşacaq “Qarabağ” ciddi itki ilə üzləşib.
Realpress.az xəbər verir ki, komanda bolqarıstanlı yarımmüdafiəçisi Simeon Slavçevin xidmətindən məhrum olub.
UEFA Millətlər Liqasında Norveçlə oyundan öncə isinmə hərəkətləri edən zaman zədə alan Slavçevin durumuna tam aydınlıq gəlib. O, iki həftə yaşıl meydanlardan uzaq qalacaq. Bu, o deməkdir ki, o, 2014-2018-ci illərdə müqavilə ilə məxsus olduğu Portuqaliyanın “Sportinq” komandasına qarşı oynaya bilməyəcək. Futbolçu özü bu barədə deyib:
“Bud əzələmdə ikinci dərəcəli gərginlik olduğu təsbit edildi. Hətta bu, daha da pis ola bilərdi. Əgər əzələmdə yırtıq aşkarlansaydı, vəziyyət ağır olacaqdı. Bu zədəyə görə iki həftə oynamayacağam. Çox əsəbiyəm, çünki “Sportinq”lə qarşılaşmada komandama kömək edə bilməyəcəyəm”.
Qeyd edək ki, yay transfer dönəmində “Qarabağ”a keçmiş Simeon Slavçev sentyabrın 6-da Bolqarıstanın Sloveniya ilə görüşündə (2:1) doxsan dəqiqə forma geyinmişdi. O, həmin matçın əllinci dəqiqəsində sarı vərəqə almışdı.
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.
