Dünyada hər üç qadından biri və hər dördüncü kişi oturaq həyat tərzi sürür ki, bu da piylənmə və digər ciddi xəstəliklərlə nəticələnir. Dünya Səhiyyə Təşkilatı (DST) artıq bu barədə həyəcan təbili çalır. Onlar hər kəsi üzgüçülük, qaçış, piyada gəzmək, velosiped sürmək və digər idman növləri ilə məşğul olmağa çağırırlar.
Realpress.az AZƏRTAC-a istinadən bildirir ki, Lanset jurnalında DST-nin bu istiqamətdə apardığı yeni araşdırmaların nəticələri nəşr olunub. Məqaləyə əsasən oturaq həyat tərzi ürək xəstəliyi, iflic, şəkərli diabet, hətta döş və digər orqanların xərçəngi ilə nəticələnə bilər. Mütəxəssislərin fikrincə idman normal çəkini qorumaqla yanaşı, zehni artırmağa və demensiyanın yaranmasının qarşısını almağa kömək edir.
DST-nin həkim və beynəlxalq ekspertləri mütəmadi olaraq fiziki fəaliyyətin əhəmiyyətini xatırladırlar. Lakin bildirilir ki, son on il ərzində
bu istiqamətdə nəzərəçarpacaq bir düzəliş yoxdur. İndiyədək orta hesabla dünyada yetkin əhalinin dörddəbiri belə tibbi tövsiyələri yerinə yetirmir. Dünya əhalisi arasında əsasən qadınlar və yaşlıların öz sağlamlıqlarının qeydinə qalmaları üçün şərait yoxdur.
Hesabatda müxtəlif ölkələr və bölgələr üzrə məlumatlar təqdim edilib. Bəlli olub ki, dünya üzrə ən passiv həyat tərzi keçirənlərin əksəriyyəti Küveyt, Samoa, Səudiyyə Ərəbistanı və İraq vətəndaşlarıdır. ABŞ-da əhalinin 40, İngiltərədə 36, Rusiyada isə 17 faizi oturaq həyat tərzi sürür. Ukraynada və Özbəkistanda bu göstərici 19, Belarus və Qırğızıstanda 14 faizdir. Postsovet ölkələri əhalisi arasında ən çox oturaq həyat tərzinin Qazaxıstanda olduğu müəyyən edilib (27,5 faiz). Dünya üzrə ən yaxşı göstərici Uqanda və Mozambikdədir ki, bu da altı faizdir.
Ümumiyyətlə, müəyyən edilib ki, dünyadakı hər üç qadından biri və hər dördüncü kişi həkimlərin tövsiyələrini yerinə yetirmir. Tibb işçilərinin məsləhətlərinə görə hər yetişkin insan həftədə 150 dəqiqə adi fiziki hərəkətlər yerinə yetirməli, 75 dəqiqə isə intensiv qaydada idmanla məşğul olmalıdır.
Qeyd edək ki, hesabat 18 yaşdan yuxarı insanlar arasında sorğu əsasında hazırlanıb.
Ölkədə şəkərli diabet xəstələrinin dərmanlarla təminatında ciddi problemlər var.
Rusiyalı diyetoloq Yevgeniya Deqtyannikova qanda hemoqlobinin səviyyəsini artırmağa kömək edən bir sıra məhsullar haqqında fikirlərini bölüşüb.
İnsanlarda görmə kəskinliyi statik (stasionar) və dinamik (hərəkətli) şəraitdə kiçik detalları tanımaq qabiliyyəti ilə qiymətləndirilir.
24-26 may tarixlərində, La Roche-Posay Azərbaycanın, Аzərbaycan Dermatoveneroloqlar Assosiasiyasının, Bakı Pataloji mərkəzinin təşkilatçılığı və Zəfəran Hospitalın dəstəyi ilə “Dəri xərçənginin diaqnostikası günləri” aksiyası keçiriləcəkdir.
Hamiləlik zamanı qadının orqanizmi çox ciddi yükləmələrə məruz qalır. Qadının orqanizmində yeni həyat inkişaf edir və bu həyatın normal inkişafı üçün müxtəlif vitaminlər, mikroelementlər və s. maddələr lazımdır. Hamiləlik zamanı hətta bir vacib vitaminin və ya mikroelementin çatışmazlığı həm uşağın inkişafına, həm də qadının səhhətinə mənfi təsir edir. Məsələn, uşağın sümüklərinin formalaşmasına və böyüməsinə çoxlu miqdarda kalsium elementi lazımdır. Bu element ananın orqanizminə lazım olan miqdarda daxil olmadıqda, körpədən çox ana əziyyət çəkir. Körpə ananın orqanizmindən özünə lazım olan kalsiumu sovurur ki, bunun nəticəsində ananın dişlərindən, sümüklərindən, saçlarından kalsium yuyulur. Məhz bu səbəbdən qadının orqanizmində hamiləlikdən öncə kalsium defisiti varsa və ya hamiləlik zamanı lazım olan miqdarda kalsium qəbul etmirsə, o zaman qadınlarda dişlər ovulmağa başlayır, saçlar tökülür, ayaqlarda qıcolmalar olur.
