Məşhurdan evlilik təklifi alan cazibədar Çiçək:Hislərimə nəzarət etmirəm - FOTOLAR

Məşhurdan evlilik təklifi alan cazibədar Çiçək:Hislərimə nəzarət etmirəm - FOTOLAR
28 İyul 2018 09:27

Xəzər Televiziyasının cazibədar aparıcısı Çiçəyin Yenicag.az-a müsahibəsini təqdim edirik.

– Fərqli tərzi olan aparıcısan, paxıllıq edənlərin çoxdur?

– Bu barədə düşünməmişəm.

– Səncə, həmkarlarından nə ilə fərqlənirsən?

– Digər aparıcıları deyə bilmərəm, amma həqiqətən də məni sevənləri çox sevirəm. Məndə olan bu hisslər həqiqidir, yəqin buna görə. Mənə elə gəlir ki, insanlar onlara ötürülən enerjini gözəl hiss edirlər.

– Ekstrimlər olanda, özünü itirirsən?

– Yox. Amma bir dəfə belə bir şey olub. Paraşütdən tullananda bizə demişdilər ki, hərə bir fərqli fikir, ya arzusunu söyləsin. Mən orada özümü itirmişdim. Yerə enəndə hamı deyirdi ki, göydə Allahla danışırdı. Qorxudan Allaha yalvarırdım.

– Fobiyaların varmı?

– Hə, siçandan çox qorxuram.

– Səncə, sənə gözəllik verən nədir?

– Vücudumla bağlı bir şey deyə bilmərəm. Onu bilirəm ki, insan içini təmiz saxlasa, üzündə əks olunur. Bu doğru sözdür. Mən Allahımı çox sevirəm, bəlkə buna görə insanların gözündə gözəl görünürəm.

– Üzdə olan xanımsan. Heç sevgi təklifləri olur?

– O qədər sevgi, evlilik təklifləri almışam ki…

– Hansı təklif səni şoka salıb?

– Çox olub. Amma gəl, onu açıqlamayım, qarşı tərəf inciyər. Tanınmış, subay insan olub ki, mənə evlilik təklifi edib. Amma sonradan biləndə ki, ailəliyəm, üzr istəyib və geri çəkilib.

– “Boşan, səninlə evlənərəm” deyə təkliflər olub?

– Mənə elə gəlir ki, elə bir insan olmaz desin, “boşan səninlə evlənərəm”. Heç bir kişi, heç bir qadına elə söz demək cəsarətində olmaz.

– Azərbaycanda olmaz da yəqin ki…

– Yəqin ki… Mentalitet söhbəti var axı.

– Sən də bu fikirdəsənmi ki, evlilik sevgini adiləşdirir, bitirir?

– Ailədə sevgi bitə bilər, amma baxır, sən o sevgini hansı tərəfdən görürsən. Mənim iç dünyam bir az fərqlidir deyə, bu suala cavabım da bambaşqa olacaq.

– Səncə, sevgini nə bitirə bilər?

– Sevgini qayğısızlıq, qadın və kişinin bir-birini anlamaması bitirə bilər. Pis günündə yanında olmayan biri ilə yaşamağa dəyməz, o sənin nəyinə lazımdır? Həmişə deyirlər ki, kişilər xəstə qadınları sevmir. Qadın cüzi xəstələnirsə və kişi buna mənfi reaksiya verirsə, demək ki, o kişidən sənə ömür-gün yoldaşı olmaz. Bu gün sağam-salamatam, demək ki, sevəcək. Həyatın zəmanəti yoxdur. Bəlkə elə buradan çıxanda, ayağımı qırdım, şikəst qaldım. Nə bilmək olar, Allah qismətinə nələr yazıb?

– Evli qadının aşiq olması sənin anlamında dəhşətli hissdir?

– (gülür) Maraqlı sualdır, amma cavabsız qoyum. Bir suala cavab verməmək hüququndan istifadə edim.

– Yaxşı onda sualı belə qoyum: hisslərinə nəzarət edirsənmi?

– Yox, yox, hisslərinə nəzarət edən birisi deyiləm. Amma yenə də deyirəm ki, həyata baxış bucağım fərqli olduğundan, hisslərimə nəzarət etmirəm.

– Bəs riskə getməklə aran necədir?

– Riskə gedən biriyəm. Adam var deyir, bunu etmə, yanarsan. Amma mən edirəm və deyirəm ki, eybi yox, yanım. Sonra da oturub deyirəm ki, bax yandın, aldın payını, otur indi qıraqda.

– Məsləhət dinləyənsən, yoxsa elə öz bildiyini edirsən?

– Anamdan başqa heç kimin sözünü eşitmirəm. Lap yüz adam yüz söz desin.

– El qınağı, cəmiyyət təpkisi, belə şeylərə əhəmiyyət verirsən?

– El qınağından da əvvəl Allah var. Belə bir söz var e, Allahın zopası yoxdur ki… Mən bu mövzularda çox həssasam.

– Yəni günaha batmaqdan qorxursan?

– Günaha batmaqdan da əlavə, mən nəsə səhv addım atan kimi Allah başımdan vurur ki, al payını. Mən cəzalanıram. Hər dəfə səhv edəndə bilirəm ki, cazasını çəkəcəm. Mən buna çox inanıram.

Realpress.az




25 Fev 2024
Müsahibə

Kamaləddin Qafarov: “Xocalı soyqırımı bəşər tarixinin qanlı cinayətlərindən biridir”

“Azərbaycan Respublikasının Prezidenti İlham Əliyev 1992-ci ildə ermənilər tərəfindən törədilmiş Xocalı soyqırımı barədə demişdir: “Xocalı faciəsi erməni millətçilərinin yüzilliklər boyu türk və Azərbaycan xalqlarına qarşı apardığı soyqırımı və etnik təmizləmə siyasətinin qanlı səhifəsi idi”. Həqiqətən də XX əsrin sonunda törədilmiş bu qətliam sadəcə Azərbaycan xalqına deyil, əslində bütün bəşəriyyətə qarşı yönəlmiş ən ağır cinayətlərdən biridir.”

21 Fev 2022
Müsahibə

Slobodan Samarciya: “Serbiya ilə Azərbaycan əsl dostdur”

“Azərbaycan və Serbiyanın ümumi maraqları ilk növbədə ondan irəli gəlir ki, onlar öz tarixlərinin əhəmiyyətli hissəsini daha böyük dövlət ittifaqı çərçivəsində yaşamış iki müstəqil ölkədir: Azərbaycan SSRİ-nin tərkibində idi, Serbiya isə keçmiş Yuqoslaviya respublikalarından biri olub”.

14 Fev 2022
Müsahibə

Vidadi Əhmədov: "Turan Tovuz"a 100 adamdan biri kimi dəstək verə bilərəm"

Tovuzun "Turan” klubunun qurucusu və sabiq prezidenti Vidadi Əhmədovun "Realpress.az"a müsahibəsi

10 Fev 2022
Müsahibə

Maksim Şevçenko: “Minsk prosesi” yoxdur, onu unutmaq lazımdır - MÜSAHİBƏ

Rusiya prezidenti Vladimir Putinlə fransalı həmkarı Emmanuel Makron arasında son danışıqlardan sonra Fransa lideri Ermənistanda tənqid olunmağa başlayıb. Belə ki, erməni siyasi müşahidəçi Naira Ayrumyan qeyd edib ki, fevralın 4-də Azərbaycan Prezidenti İlham Əliyevin, Avropa İttifaqının sədri kimi Makronun özünün, Avropa Şurasının rəhbəri Şarl Mişel və Ermənistanın baş naziri Nikol Paşinyanın iştirakı ilə videokonfrans vasitəsilə keçirilən görüşdə Fransa rəhbəri ATƏT-in Minsk prosesi çərçivəsində Qarabağ üzrə danışıqların bərpasının zəruriliyindən bir kəlmə də danışmayıb.

9 Fev 2022
Müsahibə

Aleksandr Proxanov: “Gec-tez Ankara Rusiya ilə qarşıdurmaya gedə bilər” – MÜSAHİBƏ

Bu yaxınlarda Rusiya və Çin liderləri Vladimir Putin və Si Cinpin həm təhlükəsizlik təminatlarına, həm də xarici qüvvələrin suveren ölkələrin daxili işlərinə müdaxiləsinin yolverilməzliyinə aid birgə bəyanatı imzaladıqdan sonra məlum oldu ki, dünyada anti-Qərb strukturu qurulur.